ઓટો એક્સપોમાં રજૂ થયુ દુનિયાનું પ્રથમ CNG સ્કૂટર, જાણો ક્યારે બજારમાં આવશે

દેશની અગ્રણી ટુ-વ્હીલર ઉત્પાદક કંપની TVS મોટર્સે દિલ્હીના પ્રગતિ મેદાન ખાતે ચાલી રહેલા ઇન્ડિયા મોબિલિટી ગ્લોબલ એક્સ્પો (BMGE 2025)માં વિશ્વનું પ્રથમ CNG સ્કૂટર રજૂ કરીને બધાને ચોંકાવી દીધા છે.કંપનીએ આ મોટર શોમાં તેના નવા 'જ્યુપિટર CNG' સ્કૂટરના કોન્સેપ્ટ મોડેલનું પ્રદર્શન કર્યું છે. આ પહેલું સ્કૂટર છે જે કંપની ફીટેડ CNG કીટ સાથે આવે છે. તો ચાલો જોઈએ કે આ CNG સ્કૂટર કેવું છે અને તમે તેને ક્યારે ચલાવી શકશો.

કેવું છે Jupiter 125 CNG

રસપ્રદ વાત એ છે કે, પ્રદર્શિત જ્યુપિટર 125 CNG પાછલા જનરેશન મોડેલ પર આધારિત છે. આ સ્કૂટરનો દેખાવ અને ડિઝાઇન પરંપરાગત જ્યુપિટર જેવી જ છે. પરંતુ તેના મિકેનિઝમ અને પાવરટ્રેનમાં નોંધપાત્ર ફેરફારો થયા છે. આ ઉપરાંત, સ્કૂટરના પેનલ પર CNG બેજિંગ પણ આપવામાં આવ્યું છે. આ એક કોન્સેપ્ટ મોડેલ હોવાથી કંપનીએ હજુ સુધી તેના બોડી પેનલ વગેરે પર કોઈ મોટું કામ કર્યું નથી.

એન્જિન મિકેનિઝમ વિશે વાત કરીએ તો, કંપનીએ શોકેસ કરેલા કોન્સેપ્ટ મોડેલમાં 124.8-સીસી, સિંગલ-સિલિન્ડર, એર-કૂલ્ડ બાય-ફ્યુઅલ એન્જિનનો ઉપયોગ કર્યો છે. આ એન્જિન 7.2 હોર્સપાવર અને 9.4 Nm પીક ટોર્ક જનરેટ કરે છે. આ એન્જિન કન્ટીન્યુઅસ વેરિયેબલ ટ્રાન્સમિશન (CVT) ઓટોમેટિક ગિયરબોક્સ સાથે જોડાયેલું છે. તેની મહત્તમ ગતિ ૮૦.૫ કિમી પ્રતિ કલાક છે.

CNG સિલિન્ડર ક્યા આવે છે

Jupiter CNG પર જ્યારે તમારી પ્રથમ નજર પડે છે ત્યારે તમારા મનમાં સૌથી મોટો પ્રશ્ન એ આવે છે કે તેમાં CNG સિલિન્ડર ક્યાં લગાવવામાં આવ્યો છે. કંપનીએ સ્કૂટરની સીટ નીચે CNG સિલિન્ડર આપ્યું છે. TVS Jupiter 125 Bi-Fuelમાં પેટ્રોલ માટે 2-લિટર ટાંકી અને CNG માટે 1.4 કિલોગ્રામ સિલિન્ડર મળે છે. 

226 કિમીની રેન્જ

CNG ટાંકી સીટ નીચે મૂકવામાં આવી છે. ફ્યુઅલ ફિલર કેપ આગળના એપ્રોનમાં છે અને CNG નોઝલ સીટની નીચે આપવામાં આવ્યું છે. એવું કહેવામાં આવી રહ્યું છે કે આ સ્કૂટર CNG અને પેટ્રોલ મોડમાં લગભગ 226 કિમીની ડ્રાઇવિંગ રેન્જ આપી શકશે. CNGથી પેટ્રોલ મોડ પર સ્વિચ કરવા માટે, એક સરળ બટન આપવામાં આવ્યું છે જેને દબાવીને ફ્યુઅલ મોડ બદલી શકાય છે. તે સ્વીચ બોક્સ પર મૂકવામાં આવે છે.

આ ફિચર્સ પણ મળશે

ફીચર્સની વાત કરીએ તો, Jupiter 125 CNGમાં LED હેડલાઇટ, મોબાઇલ ચાર્જિંગ પોર્ટ, ઓલ-ઇન-વન લોક અને સાઇડ સ્ટેન્ડ ઇન્ડિકેટર છે. તેમાં બહુવિધ કી રીડઆઉટ્સ સાથે સેમી-ડિજિટલ ઇન્સ્ટ્રુમેન્ટ કન્સોલ છે.તેનું એન્જિન ટીવીએસની પેટન્ટ કરાયેલ ઇકો-થ્રસ્ટ ફ્યુઅલ-ઇન્જેક્શન અને ઇન્ટેલિગો ટેકનોલોજી સાથે આવે છે. જ્યુપિટર ૧૨૫ સીએનજીમાં મેટલ-મેક્સ બોડી છે. ટીવીએસ કહે છે કે તેની પાસે 125-સીસી શ્રેણીમાં સૌથી મોટી સીટ છે.

ક્યારે લોન્ચ થશે આ સ્કૂટર

જોકે,TVS મોટરે હાલમાં ફક્ત આ CNG સ્કૂટરના કોન્સેપ્ટનું જ પ્રદર્શન કર્યું છે. તે હજુ પણ કોન્સેપ્ટ લેવલ પર છે, તેથી ઉત્પાદન માટે તૈયાર મોડેલ સુધી પહોંચવામાં થોડો સમય લાગશે. આ સિવાય, કંપનીએ હજુ સુધી જ્યુપિટર સીએનજીના લોન્ચ સમયરેખા વિશે કોઈ માહિતી શેર કરી નથી.