એપ્રિલ મહિનામાં ઇલેક્ટ્રિક કારના વેચાણમાં થયો ઘટાડો, જાણો કઇ કંપનીએ કેટલી ગાડી વેચી

ભારતીય પેસેન્જર વ્હીકલ સેગમેન્ટમાં પેટ્રોલ, ડીઝલ અને સીએનજી કાર ઉપરાંત ઇલેક્ટ્રિક વાહનોની પણ માગ છે. ફેડરેશન ઓફ ઓટોમોબાઈલ ડીલર્સ એસોસિએશન (ફાડા) દ્વારા જાહેર કરવામાં આવેલા રિપોર્ટ અનુસાર એપ્રિલ 2024 દરમિયાન દેશભરમાં કેટલી કાર વેચાઈ હતી. છેલ્લા મહિનામાં કઈ કંપનીએ કેટલી ઇલેક્ટ્રિક કાર વેચી છે? 

ફેડરેશન ઓફ ઓટોમોબાઈલ ડીલર્સ એસોસિએશન તરફથી પ્રાપ્ત માહિતી અનુસાર, ગયા મહિને અન્ય ઈંધણની કારની સાથે ઈલેક્ટ્રિક કાર સેગમેન્ટના વાહનો પણ દેશભરમાં વેચાયા હતા. એપ્રિલ 2024 દરમિયાન કઈ કંપની દ્વારા કેટલી ઇલેક્ટ્રિક કાર વેચવામાં આવી છે? તે અંગે અહી જાણો...

કેટલી વેચાઈ હતી

FADA દ્વારા બહાર પાડવામાં આવેલા રિપોર્ટ અનુસાર, એપ્રિલ 2024 દરમિયાન દેશભરમાં ઇલેક્ટ્રિક કારના કુલ 7413 યુનિટ વેચાયા હતા. વાર્ષિક ધોરણે આ વધારો 22.79 ટકા છે. પરંતુ માસિક ધોરણે છેલ્લા મહિનામાં લગભગ 22 ટકા ઓછા ઇલેક્ટ્રિક વાહનોનું વેચાણ થયું છે. એપ્રિલ 2023માં દેશભરમાં ઇલેક્ટ્રિક વાહનોના 6039 યુનિટ વેચાયા હતા, જ્યારે માર્ચ 2024 દરમિયાન આ સંખ્યા 9503 યુનિટ હતી.

Tata Motors EV

એપ્રિલ 2024 દરમિયાન ટાટા મોટર્સ દ્વારા સૌથી વધુ ઇલેક્ટ્રિક કારનું વેચાણ થયું હતું. છેલ્લા મહિનામાં કંપની દ્વારા કુલ 4956 યુનિટનું વેચાણ કરવામાં આવ્યું હતું. કંપનીએ વાર્ષિક ધોરણે 10.04 ટકાની વૃદ્ધિ હાંસલ કરી છે. પરંતુ માર્ચની સરખામણીએ વેચાણ 9.25 ટકા ઓછું હતું. ટાટા મોટર્સના પોર્ટફોલિયોમાં ટિયાગો, પંચ, નેક્સોન, ટિગોર જેવી ઇલેક્ટ્રિક કારનો સમાવેશ થાય છે.

MG Motors

બ્રિટિશ કાર નિર્માતા MG ભારતીય બજારમાં કોમેટ અને ZS EV પણ ઓફર કરે છે. ગયા મહિને કંપનીએ કુલ 1203 યુનિટ ઇલેક્ટ્રિક વાહનોનું વેચાણ કર્યું હતું. વેચાણની દ્રષ્ટિએ MG મોટર્સ ટાટા પછી બીજા ક્રમે છે. કંપનીએ વાર્ષિક ધોરણે 243.71 ટકાની વૃદ્ધિ હાંસલ કરી છે. ગયા વર્ષે ફેબ્રુઆરીમાં MG મોટર્સે ઇલેક્ટ્રિક વાહનોના 350 યુનિટ્સનું વેચાણ કર્યું હતું.

Mahindra

મહિન્દ્રાની Xuv400 ભારતીય બજારમાં ઇલેક્ટ્રિક એસયુવી તરીકે પણ ઓફર કરવામાં આવી છે. કંપનીની એકમાત્ર ઇલેક્ટ્રિક એસયુવીએ એપ્રિલ 2024 દરમિયાન 629 યુનિટ વેચ્યા હતા. જ્યારે ગયા વર્ષે એપ્રિલ મહિનામાં આ SUVના 537 યુનિટ વેચાયા હતા.

BYD

ચીનની ઇલેક્ટ્રિક કાર કંપની BYD એ પણ એપ્રિલ 2024 દરમિયાન ભારતીય બજારમાં 138 ઇલેક્ટ્રિક યુનિટ વેચ્યા છે. ગયા વર્ષના સમાન સમયગાળામાં કંપનીએ 164 યુનિટ્સનું વેચાણ કર્યું હતું.

PCA Automobile

સિટ્રોએન ભારતીય બજારમાં ઇલેક્ટ્રિક કાર સેગમેન્ટમાં પણ વાહનોનું વેચાણ કરે છે. કંપનીએ છેલ્લા મહિનામાં 128 યુનિટ વેચ્યા છે. જ્યારે ગયા વર્ષે સમાન સમયગાળામાં કંપનીએ 240 યુનિટ્સ વેચ્યા હતા.

અન્ય કંપનીઓની હાલત કેવી છે?

FADAના રિપોર્ટ અનુસાર, મર્સિડીઝ બેન્ઝે 128 યુનિટ, હ્યુન્ડાઈએ 85, BMW 54, વોલ્વો 38, કિયા 20, ઓડી 11, પોર્શે 8 અને અન્ય કંપનીઓએ 17 યૂનિટ્સ ઈલેક્ટ્રિક વાહનોનું વેચાણ કર્યું છે.