વોટ્સએપ-ફેસબુક-ઈન્સ્ટાગ્રામે ફરી યુઝર્સને હેરાન કર્યા, મેટાએ ટ્વીટ કરીને માફી માંગી
ભારત સહિત સમગ્ર વિશ્વમાં ફરી એકવાર મેટ્રોની સર્વિસ કલાકો સુધી ઠપ થઈ ગઈ. 11 ડિસેમ્બર 2024ના રોજ, બુધવારે મોડી ર
ભારત સહિત સમગ્ર વિશ્વમાં ફરી એકવાર મેટ્રોની સર્વિસ કલાકો સુધી ઠપ થઈ ગઈ. 11 ડિસેમ્બર 2024ના રોજ, બુધવારે મોડી રાત્રે મેટાની માલિકીની ફેસબુક, ઇન્સ્ટાગ્રામ અને વોટ્સએપે અચાનક કામ કરવાનું બંધ કરી દીધું હતું. આ પહેલીવાર નથી કે જ્યારે યુઝર્સને આવી સમસ્યાનો સામનો કરવો પડ્યો હોય. 2024માં ઘણી વખત મેટા સર્વિસ ખોરવાઈ ગઈ છે.
ફેસબુક, ઇન્સ્ટાગ્રામ અને વોટ્સએપના ગ્લોબલ આઉટેજ પછી યૂઝર્સને એપ્લિકેશન્સ ઍક્સેસ કરવામાં વધુ સમસ્યાઓનો સામનો કરવો પડ્યો. આઉટેજ પછી મોટી સંખ્યામાં વપરાશકર્તાઓએ વિવિધ પ્લેટફોર્મ પર તેના વિશે ફરિયાદ પણ કરી. વિવિધ વેબસાઇટ્સના આઉટેજને ટ્રેક કરનારી વેબસાઇટ DownDetectorએ મેટાની સર્વિસ બંધ થવાની પુષ્ટિ કરી.
ડાઉનડિટેકટરે પુષ્ટિ કરી
Downdetector અનુસાર, એક લાખથી વધુ ગ્રાહકોએ ફેસબુકના આઉટેજની ફરિયાદ કરી હતી. ઈન્સ્ટાગ્રામને લઈને 70 હજારથી વધુ લોકોએ રિપોર્ટ ફાઈલ કર્યા છે. હજારો યુઝર્સે પણ વોટ્સએપ અંગે ફરિયાદ કરી હતી.
મેટાએ ટ્વિટ કર્યું
ફેસબુક, ઇન્સ્ટાગ્રામ અને વોટ્સએપના ગ્લોબલ આઉટેજની સમસ્યા બુધવારે મોડી રાત્રે લગભગ 11.30 વાગ્યે શરૂ થઈ હતી. આ સમય દરમિયાન યૂઝર્સે એપ્લિકેશનમાં લૉગ ઇન કરવામાં, મેસેજ મોકલવામાં અને મેસેજ મેળવવામાં સમસ્યાઓનો સામનો કરવો પડ્યો હતો. વોટ્સએપ સર્વિસ ખોરવાઈ જતાં જ યુઝર્સે માઇક્રોબ્લોગિંગ પ્લેટફોર્મ X પર આ સમસ્યા શેર કરી હતી. આઉટેજને કારણે WhatsApp વપરાશકર્તાઓને તેમની એપ્લિકેશનને અન્ય ઉપકરણો સાથે લિંક કરવામાં પણ સમસ્યાઓનો સામનો કરવો પડ્યો હતો.
મેટા દ્વારા ત્રણેય પ્લેટફોર્મ પર એક સાથે ગ્લોબલ આઉટેજ અંગે એક ટ્વિટ પણ કરવામાં આવી હતી. આમાં કંપનીએ લખ્યું છે કે અમે જાણીએ છીએ કે કેટલીક ટેકનિકલ સમસ્યાઓના કારણે કેટલાક યુઝર્સને એપ્સ એક્સેસ કરવામાં મુશ્કેલી પડી રહી છે. કંપનીએ એ પણ સ્પષ્ટ કર્યું કે અમે તેને શક્ય તેટલી વહેલી તકે ઠીક કરવાનો પ્રયાસ કરી રહ્યા છીએ. મેટાએ આ સમસ્યા માટે તેના યૂઝર્સથી માફી પણ માંગી છે.
