Aadhaar card પર નામ-સરનામું અથવા જન્મ તારીખ ખોટી હોય તો સુધારી લો, નહીં તો આ યોજનાઓ લાભ નહીં મળે, સરળ છે Aadhaar correction process
છેલ્લું અપડેટ : 11 Nov 2025
જો તમારા Aadhaar card પર નામ, સરનામું અથવા જન્મ તારીખ ખોટી હશે, તો તમને પેન્શન, ગેસ સબસિડી અને સરકારી યોજનાઓનો લાભ મેળવવામાં મુશ્કેલી આવી શકે છે. UIDAIએ હવે Aadhaar correction processને સરળ બનાવી છે, જેનાથી તમે તમારા ઘરે આરામથી મફતમાં તમારા Aadhaar cardને ઓનલાઈન અપડેટ કરી શકો છો.
ઘરેથી અપડેટ કરો Aadhaar card
પહેલા, તમારે આધારને અપડેટ કરવા માટે Aadhaar Seva Kendra અથવા CSC કેન્દ્રનો ધક્કો ખાવો પડતો હતો. જોકે, UIDAIએ હવે એક online self-service portal શરૂ કર્યું છે. હવે તમે એજન્ટ કે ઓફિસનો ધક્કો ખાધા વિના https://myaadhaar.uidai.gov.in/ વેબસાઇટ પર જઈને તમારું નામ, જન્મ તારીખ, સરનામું અથવા લિંગની માહિતી જાતે અપડેટ કરી શકો છો. સૌથી અગત્યનું, આ પ્રક્રિયા હવે સંપૂર્ણપણે મફત છે, એટલે કે તમારે કોઈ ફી નહીં ચૂકવવી પડે.
Aadhaarમાં તમારું નામ સુધારવાનો ઓનલાઈન સૌથી સરળ રસ્તો
સ્ટેપ 1: સૌપ્રથમ, https://myaadhaar.uidai.gov.in પર જાઓ. "Login" પર ક્લિક કરો અને તમારો Aadhaar નંબર દાખલ કરો. તમારા રજિસ્ટર્ડ મોબાઇલ નંબર પર એક OTP આવશે. તેને દાખલ કરી લોગિન કરો.
સ્ટેપ 2: હવે "Update Aadhaar Online" વિકલ્પ પસંદ કરો. અહીં તમે “Name”, “Date of Birth”, “Address” અથવા “Gender”માં ફેરફાર કરવાનો વિકલ્પ પસંદ કરી શકો છો. જે સુધાર કરવા માંગો છો તેની સાચી માહિતી દાખલ કરો.
સ્ટેપ 3: જરૂરી દસ્તાવેજો (જેમ કે PAN, Passport, Voter ID, Bank Passbook) અપલોડ કરો. “Submit” પર ક્લિક કરો. તમારો રિક્વેસ્ટ નંબર (URN) જનરેટ થશે - આ રીતે તમે અપડેટ સ્ટેટસ ટ્રેક કરી શકો છો. UIDAI સામાન્ય રીતે 3-5 દિવસની અંદર અપડેટ્સ પર પ્રક્રિયા કરે છે. સફળ અપડેટ પછી, નવી Aadhaar PDF ડાઉનલોડ કરી શકાય છે.
આ દસ્તાવેજો જરૂરી
UIDAIએ માન્ય દસ્તાવેજોની યાદી બહાર પાડી છે, જેનો ઉપયોગ તમે તમારી વિગતો ચકાસવા માટે કરી શકો છો. આમાં શામેલ છે: પાસપોર્ટ, પાન કાર્ડ, વોટર ID, બેંક પાસબુક, સરકારી ID કાર્ડ, ગેસ કનેક્શન બુક અથવા વીજળી બિલ (સરનામા માટે).
નોંધ: દસ્તાવેજ પરનું નામ Aadhaar પર આપેલા નામ સાથે મેળ ખાતું હોવું જોઈએ, નહીં તો રિક્વેસ્ટ રિજેક્ટ થઈ શકે છે.