આ મહિને ભારે ડિસ્કાઉન્ટમાં ઉપલબ્ધ મારુતિની આ કાર, જાણો કયા મોડલ પર કેટલી છૂટ

મારુતિ સુઝુકી એરેના ડીલરો આ મહિને તેમની લગભગ આખી લાઇન-અપ પર અલ્ટો K10, વેગન આર, સેલેરિયો અને ડીઝાયર સહિત લગભગ તમામ લાઇન-અપ પર ડિસ્કાઉન્ટ અને લાભો ઓફર કરી રહ્યાં છે. આ લાભો રોકડ ડિસ્કાઉન્ટ, એક્સચેન્જ બોનસ અને કોર્પોરેટ ઑફર્સના રૂપમાં ઉપલબ્ધ છે. જો તમે પણ નવી મારુતિ કાર ખરીદવાનું વિચારી રહ્યા છો તો આ યોગ્ય સમય હોઈ શકે છે, કંપની આ મહિને પોતાની કાર પર ભારે ડિસ્કાઉન્ટ આપી રહી છે.

ગયા મહિને મારુતિ સુઝુકીએ નવી ફોર્થ જનરેશનની સ્વિફ્ટ લોન્ચ કરી હતી, પરંતુ કેટલાક ડીલરો પાસે અગાઉના મોડલનો સ્ટોક છે. જે લોકો થર્ડ જનરેશન મૉડલ ખરીદવા માગે છે તેઓ AMT વેરિઅન્ટ પર 38,000 સુધી, મેન્યુઅલ ટ્રીમ પર 33,000 અને CNG સ્વિફ્ટ પર 18,000 સુધીની બચત કરી શકે છે.

મારુતિ અલ્ટો K10ની કિંમત 3.99 લાખ રૂપિયાથી 5.96 લાખ રૂપિયાની વચ્ચે છે. ડીલરો ઓટોમેટિક વેરિઅન્ટ્સ પર રૂ. 55,000 સુધી મેન્યુઅલ વેરિએન્ટ્સ પર 50,000 સુધી અને CNG વિકલ્પો પર 48,000 સુધીનું ડિસ્કાઉન્ટ ઓફર કરી રહ્યા છે.

Celerio ઓટોમેટિક વર્ઝન પર 58,000 સુધીના લાભો સાથે ઉપલબ્ધ છે, જ્યારે મેન્યુઅલ અને CNG વેરિએન્ટ પર 53,000 સુધીનું ડિસ્કાઉન્ટ છે.

વેગન આર બે એન્જિન વિકલ્પો સાથે ઉપલબ્ધ છે. આ મહિને કંપની ઓટોમેટિક વેરિઅન્ટ માટે 58,000, મેન્યુઅલ વેરિએન્ટ માટે 53,000 અને CNG વેરિએન્ટ માટે 43,000 સુધીના લાભો ઓફર કરી રહી છે.

Dezire આ વર્ષના અંતમાં નવી સ્વિફ્ટ પર આધારિત જનરેશન અપડેટ મેળવવા જઈ રહ્યું છે. વર્તમાન મોડલના ઓટોમેટિક વેરિઅન્ટ પર 30,000 રૂપિયા સુધીના અને મેન્યુઅલ વેરિઅન્ટ પર 25,000 રૂપિયા સુધીના લાભો આપવામાં આવી રહ્યા છે. તેના CNG વેરિઅન્ટ પર કોઈ ઓફર નથી.

Brezza કોમ્પેક્ટ SUV 103hp, 1.5-લિટર, ચાર-સિલિન્ડર પેટ્રોલ એન્જિન છે, આ મહિને માત્ર તેના પેટ્રોલ વેરિઅન્ટ પર 10,000ના એક્સચેન્જ બોનસ સાથે ઉપલબ્ધ છે. તે CNG સ્પેકમાં પણ ઉપલબ્ધ છે.

Maruti S-Presso માં Alto K10 જેવા જ એન્જિન અને ગિયરબોક્સ વિકલ્પો છે. S-Presso પર આ મહિને મહત્તમ ડિસ્કાઉન્ટ ઓટોમેટિક ટ્રીમ માટે 58,000, મેન્યુઅલ વેરિઅન્ટ્સ પર 53,000 અને CNG વાહનો પર 46,000 છે. S-Pressoની કિંમત 4.26 લાખ રૂપિયાથી 6.12 લાખ રૂપિયાની વચ્ચે છે.