ભારતની આ કાર બની 'ગ્રીન કાર ઑફ ધ યર', BMWને પણ છોડી પાછળ

દેશની નંબર-1 ઇલેક્ટ્રિક કાર MG Windsor EV ઈન્ડિયન ગ્રીન કાર ઓફ ધ યર 2025ની વિજેતા બની છે. આ કારે આ કેટેગરીમાં BMW અને BYD જેવી કંપનીઓના મોડલને પણ પાછળ છોડી દીધા છે. આ કેટેગરીમાં BMW i5 બીજા ક્રમે અને BYD ત્રીજા સ્થાને છે. ICOTY માટે MGની પણ આ પ્રથમ જીત છે. તેણે 157 પોઈન્ટ બનાવ્યા. જ્યારે BMW i5 એ 99 પોઈન્ટ અને BYD સીલે 87 પોઈન્ટ બનાવ્યા. તમને જણાવી દઈએ કે લોન્ચ થયા બાદથી તે ભારતીય માર્કેટમાં નંબર-1 ઇલેક્ટ્રિક કાર બની રહી છે. તેમજ છેલ્લા 3 મહિનામાં 10 હજારથી વધુ યુનિટનું વેચાણ થયું છે.

એમજી વિન્ડસરની નવી કિંમતો

એમજી વિન્ડસર એક્સાઈટ, એક્સક્લુઝિવ અને એસેન્સ વેરિયન્ટમાં ખરીદી શકાય છે. તેની કિંમતમાં લગભગ 50,000 રૂપિયાનો વધારો કરવામાં આવ્યો છે. એક્સાઈટની જૂની કિંમત 13.50 લાખ રૂપિયા હતી જે હવે 14 લાખ રૂપિયા થઈ ગઈ છે. એક્સક્લુઝિવની કિંમત 14.50 લાખ રૂપિયા હતી, જે હવે 15 લાખ રૂપિયા થઈ ગઈ છે. જ્યારે, એસેન્સની કિંમત 15.50 લાખ રૂપિયા હતી, જે હવે વધીને 16 લાખ રૂપિયા થઈ ગઈ છે.

તેના બેટરી સબસ્ક્રિપ્શન પ્લાનની વાત કરીએ તો પહેલા તેની કિંમત 3.50 લાખ રૂપિયા હતી, જે વધીને 3.90 રૂપિયા થઈ ગઈ છે. આવી સ્થિતિમાં હવે એક્સાઈટની નવી એક્સ-શોરૂમ કિંમત 9.99 લાખ રૂપિયા, એક્સક્લુઝિવની નવી એક્સ-શોરૂમ કિંમત 10.99 લાખ રૂપિયા અને એસેન્સની નવી એક્સ-શોરૂમ કિંમત 11.99 લાખ રૂપિયા થઈ ગઈ છે.

એમજી વિન્ડસરની વિશેષતાઓ અને સ્પેસિફેકેશન્સ

વિન્ડસર એ 2024માં લોન્ચ થનારી MGની પ્રીમિયમ CUV છે. તમે તેને 3 વેરિયન્ટમાં ખરીદી શકો છો. તેમાં 38kWh બેટરી પેક છે, જે 332Kmની રેન્જ આપે છે. તેમાં સિંગલ FWD મોટર છે જે 134bhp અને 200Nm જનરેટ કરે છે. ટોપ-સ્પેક વેરિયન્ટ લેવલ-2 ADAS, પાછળના AC વેન્ટ સાથે ક્લાઈમેટ કંટ્રોલ, ડ્યુઅલ ડિજિટલ સ્ક્રીન, વેન્ટિલેટેડ ફ્રન્ટ સીટ, પેનોરેમિક ગ્લાસ રૂફ, 360-ડિગ્રી કેમેરા અને ખૂબ જ વ્યાપક કનેક્ટેડ કાર સ્યુટ જેવી ફીચર્સઓ સાથે આવે છે.

આ ઇલેક્ટ્રિક કારમાં નોઈઝ કંટ્રોલર, Jio એપ્સ અને બહુવિધ ભાષાઓમાં કનેક્ટિવિટી, TPMS, 6 એરબેગ્સ, EBD સાથે ABS અને સંપૂર્ણ LED લાઇટ છે. તેમાં એક સરસ સીટબેક વિકલ્પ છે, જે 135 ડિગ્રી સુધી ઇલેક્ટ્રિકલી ટિલ્ટ કરી શકે છે. તેની એક્સ-શોરૂમ કિંમત 13.50 લાખ રૂપિયાથી 15.50 લાખ રૂપિયા સુધીની છે. તેણે તેના સેગમેન્ટમાં Tata Curve EV, Mahindra XUV400 ને પણ પાછળ છોડી દીધું છે.