UPI scam / ઝડપથી વધી રહ્યા છે UPI સ્કેમ, તમારા પૈસાને સુરક્ષિત રાખશે આ 5 રીતો

ભારતમાં ઓનલાઈન પેમેન્ટ ઝડપથી વધી રહ્યું છે. લોકો માટે પૈસા ટ્રાન્સફર કરવાની આ એક સરળ રીત છે. લોકો ખાસ કરીને UPIનો ઉપયોગ કરે છે. UPI (યુનિફાઇડ પેમેન્ટ્સ ઈન્ટરફેસ) એ ભારતમાં ડિજિટલ પેમેન્ટ્સમાં ક્રાંતિ લાવી છે, પરંતુ તેની સગવડ સ્કેમર્સને પણ આકર્ષે છે.

આવી સ્થિતિમાં, જો તમે તમારી મહેનતની કમાણી સુરક્ષિત રાખવા માંગો છો, તો અહીં અમે તમારા માટે કેટલીક મહત્ત્વપૂર્ણ ટિપ્સ લાવ્યા છીએ.

UPI PIN અથવા OTP ક્યારેય શેર ન કરો

તમારો UPI પિન તમારા ATM પિન જેવો જ છે, તેને ક્યારેય કોઈની સાથે શેર ન કરો, બેંક, મિત્રો  અને પરિવાર સાથે પણ નહીં. એ જ રીતે, તમારા વન-ટાઈમ પાસવર્ડ્સ (OTP) ને પણ ક્યારેય કોઈ સાથે શેર ન કરવો જોઈએ.

પેમેન્ટ કરતા પહેલા ચેક કરો

કોઈપણ ટ્રાન્ઝેક્શન કરતા પહેલા રીસીવરનું નામ અને વર્ચ્યુઅલ પેમેન્ટ એડ્રેસ (VPA) બે વાર તપાસો. તમને છેતરવા માટે સ્કેમર્સ ઘણીવાર કાયદેસરના વ્યવસાયોના નામો સાથે એકાઉન્ટ બનાવે છે. આવી સ્થિતિમાં થોડી સાવધાની તમને આર્થિક નુકસાનથી બચાવી શકે છે.

QR કોડ ચેક કરો

QR કોડ પેમેન્ટ કરવાની એક સરળ રીત હોઈ શકે છે, પરંતુ તેમાં તમારે સાવચેત રહેવું જોઈએ. રેન્ડમ QR કોડ સ્કેન ન કરો, ખાસ કરીને જો તમને ખાતરી ન હોય કે તે કોણે બનાવ્યા છે. આ સ્કેમર્સને ખોટી લિંક્સને એમ્બેડ કરવાની મંજૂરી આપે છે, અને તે બનાવટી UPI ઇન્ટરફેસ તરફ દોરી જાય છે આવા QR કોડ સ્કેન કરીને તમે તમારો PIN નાખો છો ત્યારે તેઓ તમારા પૈસા ચોરી કરે છે.

એપ સ્ટોર પરથી એપ ડાઉનલોડ કરો

સાયબર ક્રિમીનલ ક્યારેક જાણીતા UPI પ્લેટફોર્મની નકલ કરીને નકલી એપ્સ બનાવે છે. તેથી હંમેશા Google Play Store અથવા Apple App Store પરથી સત્તાવાર એપ્સ ડાઉનલોડ કરો. કોઈપણ એપ્લિકેશન ઇન્સ્ટોલ કરતા પહેલા રિવ્યુ વાંચો અને એપ ડેવલપરની માહિતી તપાસો.

સ્ટ્રોંગ UPI પિન સેટ કરો

તમારા એકાઉન્ટને સુરક્ષિત રાખવા માટે સ્ટ્રોંગ UPI PIN સેટ કરો. મોટાભાગની UPI એપ ટ્રાન્ઝેક્શન એલર્ટ સેટ કરવાની મંજૂરી આપે છે. આ એલર્ટને એનેબલ કરવાથી તમારા એકાઉન્ટ પરની કોઈપણ પ્રવૃત્તિ વિશે તમને તરત જ નોટિફિકેશન આપવામાં આવશે. 

આ બાબતોને ધ્યાનમાં રાખીને અને સતર્ક રહેવાથી, તમે UPI સ્કેમનો ભોગ બનવાના જોખમને ઘટાડી શકો છો.