Realme ટૂંક સમયમાં લોન્ચ કરશે P Series Smartphone, કંપનીએ સોશિયલ મીડિયા પર આપી માહિતી

ઈલેક્ટ્રોનિક્સ કંપની Realme India 15થી 25 હજાર રૂપિયાના સેગમેન્ટના ફોનમાં ટોપ કંપની બનવાની તૈયારી કરી રહી છે. કંપની આ ખાસ હેતુ સાથે ભારતીય ગ્રાહકો માટે P સિરીઝ લોન્ચ કરશે. કંપની P સિરીઝ આ વર્ષે લોન્ચ કરશે. એક અહેવાલ અનુસાર, રિયલમી ઈન્ડિયાના વરિષ્ઠ અધિકારીએ આ અંગેની માહિતી આપી છે.

5 કરોડ સ્માર્ટફોન વેચવાની યોજના

P સિરીઝ વિશે, રિયલમી ઇન્ડિયા બિઝનેસ સ્ટ્રેટેજી લીડ તારિણી પ્રસાદ દાસે માહિતી આપી છે કે કંપનીએ 50 મિલિયન (5 કરોડ) સ્માર્ટફોન વેચવાની યોજના બનાવી છે. કંપની આ સ્કીમ ફ્લિપકાર્ટ સાથે પાર્ટનરશિપમાં પૂર્ણ કરશે.

દાસ કહે છે કે અમે 15થી 25 હજાર રૂપિયાના સ્માર્ટફોન સેગમેન્ટમાં P સિરીઝ લોન્ચ કરવા જઈ રહ્યા છીએ. અમે તમને જણાવી દઈએ કે, ભારતમાં શેર માર્કેટની દૃષ્ટિએ Realme ટોચની પાંચ સ્માર્ટફોન બ્રાન્ડ્સમાં તેની ઓળખ ધરાવે છે. ગયા વર્ષે, Realmeનો કુલ બજાર હિસ્સો 12 ટકા હતો.

Realmeની નવી સિરીઝ ક્યારે લોન્ચ થશે?

વાસ્તવમાં, કંપની એપ્રિલના બીજા સપ્તાહમાં Realmeની આ નવી સિરીઝને લોન્ચ કરશે. કંપની દ્વારા તેના સત્તાવાર X એકાઉન્ટ પર એક પોસ્ટ કરવામાં આવી છે, જે મુજબ આ સિરીઝ 15 એપ્રિલે લોન્ચ કરવામાં આવશે. આ નવી સિરીઝ સાથે સ્માર્ટફોનને 20,000 રૂપિયાની કિંમતની રેન્જમાં લાવવામાં આવશે. દાસના કહ્યા અનુસાર, કંપનીના બિઝનેસને ઓફલાઈન અને ઓનલાઈન બંને વેચાણથી સમાન લાભ મળે છે.

 

શા માટે ખાસ છે આ સિરીઝ?

Realmeની આગામી P સિરીઝના સ્પેક્સ અંગે કોઈ માહિતી જાહેર કરવામાં આવી નથી. જોકે, દાસનું કહેવું છે કે આ સિરીઝને પરફોર્મન્સ, ડિઝાઇન, વધુ સારી ડિસ્પ્લે અને ચાર્જિંગની સુવિધા સાથે ટાર્ગેટ સેગમેન્ટમાં લાવવામાં આવશે.