ન તો લેન્ડ રોવર કે ન જગુઆર, રતન ટાટા આ કારમાં કરતાં હતા મુસાફરી, આવું હતું તેમનું કાર કલેક્શન

જાણીતા ઉદ્યોગપતિ રતન ટાટાનું 9 ઓક્ટોબર, 2024 ના રોજ અવસાન થયું. ઉંમર સંબંધિત મુશ્કેલીઓને કારણે, તેમને મુંબઈની બ્રીચ કેન્ડી હોસ્પિટલમાં દાખલ કરવામાં આવ્યા હતા, જ્યાં તેમણે અંતિમ શ્વાસ લીધા હતા. ટાટા જૂથનો એક ભાગ બનીને, તેમણે જૂથને નવી ઊંચાઈઓ પર પહોંચાડી છે.  આજે, ટાટા ગ્રૂપ દેશ અને વિશ્વમાં સ્ટીલ, ઓટોમોબાઈલ, આઈટી સહિતના ઘણા સેગમેન્ટમાં તેનો વ્યવસાય કરે છે.

આટલા પ્રખ્યાત અને આટલા અમીર હોવા છતાં રતન ટાટા સામાન્ય કારમાં ચલાવવાનું પસંદ કરતાં હતા. જ્યારે લેન્ડ રોવર અને જગુઆરના માલિકી હક્ક ટાટા ગ્રુપ પાસે છે. તો આવો જાણીએ રતન ટાટા કઈ કાર વાપરતા હતા. 

ટાટા ગ્રૂપની કંપની ટાટા મોટર્સે 2 જૂન, 2008ના રોજ અમેરિકાની પ્રખ્યાત કાર કંપની ફોર્ડની બે બ્રાન્ડ લેન્ડ રોવર અને જગુઆરને હસ્તગત કરી હતી. ટાટા સાથે રતન ટાટાની આ ડીલ ભારતીય ઓટોમેકર માટે મોટી સફળતા હતી. આ સાથે રતન ટાટાએ ફોર્ડના માલિક દ્વારા તેમની સાથે કરવામાં આવેલા ગેરવર્તણૂકનો હિસાબ પણ પતાવ્યો હતો.

રતન ટાટા કઈ કાર વાપરતા હતા? 

રતન ટાટાને ઘણી વખત હોન્ડાની સિવિક સેડાન કાર ચલાવતા જોવામાં આવ્યા હતા. જેને હોન્ડાએ હવે બંધ કરી દીધી છે. હવે રતન ટાટા ઈલેક્ટ્રિક કારના પ્રચાર માટે ટાટા ગ્રૂપની ટાટા નેક્સોન ઈવી વાપરતા હતા. ટાટા મોટર્સ ભારતમાં સૌથી વધુ ઇલેક્ટ્રિક વાહનોનું વેચાણ કરે છે.

આવું હતું રતન ટાટાનું કાર કલેક્શન

રતન ટાટા પાસે દેશ અને દુનિયાની સૌથી પ્રખ્યાત કાર છે, તેમના કાફલામાં લિમિટેડ એડિશન કાર ક્રાઈસ્લર સેબ્રિંગ, રોડસ્ટર સ્પોર્ટ્સ કાર કેડિલેક XLR, મર્સિડીઝ બેન્ઝ એસ ક્લાસ, મર્સિડીઝ બેન્ઝ 500 SL, લેન્ડ રોવર અને ટાટા નેક્સન ઈવીનો સમાવેશ થાય છે.