New Porsche Panamera, ભારતીય બજારમાં થઈ લોન્ચ, જાણો આ કારની કેટલી છે કિમત?

New Porsche Panamera 2024 ભારતીય માર્કેટમાં લૉન્ચ કરવામાં આવી છે. કંપનીએ આ લક્ઝરી સેડાનને ભારતીય બજારમાં લોન્ચ કરી છે. અન્ય પોર્શ વાહનોની જેમ આ સેડાનની કિંમત પણ કરોડોમાં છે. આ પોર્શનું થર્ડ જનરેશન મોડેલ છે. ઉપરાંત, પોર્શે તેને સ્પોર્ટિંગ એજ સાથે વધુ વૈભવી બનાવ્યું છે. કંપનીએ 2024 Porsche Panamera ના એક્સટીરિયર અને ઈન્ટીરીયર બંનેમાં ફેરફાર કરીને આ કારને માર્કેટમાં લોન્ચ કરી છે.

2024 નવી પોર્શ પેનામેરાની ડિઝાઇન

2024 Panamera પોર્શની સૌથી લક્ઝુરિયસ સેડાનમાં સામેલ થઈ ગઈ છે. નવી Panamera એક લાંબી કાર છે. આ કારની લંબાઈ 5,052 mm છે. આ કારમાં સ્પોર્ટિયર દેખાવ પણ આપવામાં આવ્યો છે. પોર્શની આ લક્ઝુરિયસ સેડાનમાં સ્પોર્ટિંગ એજ લગાવવામાં આવી છે. આ પોર્શ કારમાં નવા હેડલેમ્પનો પણ ઉપયોગ કરવામાં આવ્યો છે. આ ઉપરાંત કારમાં નવા એલોય વ્હીલ્સ પણ લગાવવામાં આવ્યા છે. નવી પોર્શે પનામેરાના લુકને વધુ સ્પોર્ટી બનાવવા પાછળની વિન્ડોને ફ્રેમલેસ રાખવામાં આવી છે અને તેની રૂફલાઈનને ઢાળ આપવામાં આવ્યો છે. આ કારની બમ્પર ડિઝાઇન પણ નવી છે અને પાછળના ટેલ લેમ્પને થોડો પહોળો કરવામાં આવ્યો છે.

New Porsche Panameraનું  ઈન્ટિરિયર કેવું છે?

New Porsche Panameraને માત્ર બહારથી જ નહીં પણ અંદરથી પણ શાનદાર લુક આપવામાં આવ્યો છે. કંપનીએ તેના ઈન્ટિરિયરમાં પણ ઘણા ફેરફાર કર્યા છે. નવા પોર્શ કેયેન ની જેમ કંપનીએ પેનામેરાના ડેશબોર્ડમાં પણ ફેરફાર કર્યા છે. 2024 Porsche Panamera માં નવું 12.6-ઇંચ ડિજિટલ ડ્રાઇવર ડિસ્પ્લે ઇન્સ્ટોલ કરવામાં આવ્યું છે. આ કારમાં હેપ્ટિક ફીડબેક કંટ્રોલ સાથે 12.3-ઇંચની ટચસ્ક્રીન ઇન્ફોટેનમેન્ટ સિસ્ટમ પણ છે. પોર્શે કારના ડેશબોર્ડ પર એક નવું ગિયર સિલેક્ટર પણ લગાવવામાં આવ્યું છે, જેના કારણે તે કારમાં વધુ જગ્યા આપે છે. આ ડિસ્પ્લે સિસ્ટમ્સ ઉપરાંત, પોર્શની આ લક્ઝુરિયસ સેડાનમાં એક અલગ 10.9-ઇંચ સ્ક્રીન છે, જેનો ઉપયોગ કારમાં બેસીને વધુ માહિતી મેળવવા અથવા મોટી સ્ક્રીન પર મૂવી જોવા માટે કરી શકાય છે.

Porsche Panameraની થર્ડ જનરેશન કારની પાવરટ્રેન

ભારતીય બજારમાં લોન્ચ કરવામાં આવેલી પોર્શ પનામેરા કારમાં 2.9-લિટર, V6 ટ્વીન ટર્બો પેટ્રોલ એન્જિન છે, જેની સાથે 8-સ્પીડ PDK ઓટોમેટિક ગિયરબોક્સ પણ આપવામાં આવ્યું છે અને પાછળની વ્હીલ ડ્રાઇવ જોડાયેલ છે. અન્ય પોર્શે કારની જેમ આ કારને પણ કસ્ટમાઈઝેશન માટે સંપૂર્ણ અવકાશ આપવામાં આવ્યો છે. આ કારની પાછળની સીટમાં ઘણી જગ્યા છે, જેના કારણે આ કાર મુસાફરીને વધુ આરામદાયક બનાવી શકે છે.

2024 નવી પોર્શ પનામેરા કિંમત

વર્ષ 2013માં પોર્શનું વેચાણ સૌથી સારું રહ્યું હતું. તે વર્ષે પોર્શના 914 યુનિટ વેચાયા હતા. ત્યારથી, પોર્શે માર્કેટમાં ઘણા Panamera મોડલ લોન્ચ કર્યા છે. આ સાથે જ કંપની ઓટોમોબાઈલ માર્કેટમાં નવી મેકન ઈલેક્ટ્રીક પણ લાવી છે. હવે પોર્શે ભારતીય બજારમાં પાનામેરાની ત્રીજી પેઢીની કાર લોન્ચ કરી છે. પોર્શેએ ભારતીય બજારમાં આ કારની કિંમત 1.65 કરોડ રૂપિયા રાખી છે.