ઓનલાઈન શોપિંગ કરતી વખતે આ બાબતોનું ધ્યાન રાખો, નહીંતર હલકી ગુણવત્તાના સામાન સાથે પૈસા પણ થઈ જશે ચાઉં 

આજકાલ મોટાભાગના કામ આંગળીના ટેરવે થઈ રહ્યા છે. સ્માર્ટફોનના ઉપયોગથી રોજિંદા જીવનના ઘણાબધા કામ છે જે હવે ઘરે બેઠા સેકન્ડોમાં થઈ જાય છે. આવું જ ખરીદીનું પણ છે. જે હવે મોબાઇલના મધ્યમથી બહુ સરળ બની ગયું છે. અને ઘરે બેઠા બેઠા ઓર્ડર કરી શકાય છે. બહાર તડકામાં જવાની કોઈ ઝંઝટ નથી હોતી. આજના યુગમાં ઓનલાઈન શોપિંગ આપણા જીવનનો આવશ્યક ભાગ બની ગયો છે. ખાદ્યપદાર્થોથી લઈને કપડાં સુધી, બધું કલાકોમાં ઘરે પહોચી જાય છે. તેનાથી આપણો સમય બચે છે અને આપણને જે જોઈએ છે તે મળી પણ જાય છે. 

ઘણી વખત, ખરીદી કરતી વખતે, આપણે કેટલીક ભૂલો કરીએ છીએ જેના કારણે આપણને ખરાબ માલ મળે છે સાથે હજારો રૂપિયાનું નુકસાન પણ થાય છે. અહીં અમે તમને ઓનલાઈન શોપિંગ કરતી વખતે ધ્યાનમાં રાખવા જેવી કેટલીક બાબતો જણાવવા જઈ રહ્યા છીએ. જો તમે તેમને અનુસરો છો તો તમે ક્યારેય છેતરાઈ શકશો નહીં.

સાઇટની વિશ્વસનીયતા તપાસો

ભારતમાં ખરીદી માટે ઘણી ઈ-કોમર્સ સાઇટ્સ છે. પરંતુ તેમાંના થોડા જ એવા છે જેના પર વિશ્વાસ કરી શકાય. જો તમે એવી સાઈટ પરથી ખરીદી કરો જે ભરોસાપાત્ર નથી, તો તમારા પૈસા ગુમાવવાનો ડર રહે છે. તેથી, ખરીદી કરતા પહેલા, ખાતરી કરો કે સાઇટ નકલી તો નથી.

આ જાણવા માટે તમારે http અને https વચ્ચેનો તફાવત સમજવો પડશે. ખરેખર, આ એક્સટેન્શનને કારણે કેટલાક લોકો જાળમાં ફસાઈ જાય છે. જો ડોમેન નામ સાથે http પ્રિફિક્સ કરવામાં આવ્યું હોય, તો સાવચેત રહો, કારણ કે આવી સાઇટ્સ નકલી પણ હોઈ શકે છે. જેની સામે https છે તેના પર વિશ્વાસ કરી શકાય છે.

સોશિયલ મીડિયા પ્લેટફોર્મ પરથી ખરીદી કરશો નહીં

આજકાલ, શોપિંગ માટે લલચાવતી ઘણી બધી જાહેરાતો સોશિયલ મીડિયા પ્લેટફોર્મ પર જોવા મળે છે. ઘણીવાર  વ્હોટ્સએપ, ફેસબુક અને ઇન્સ્ટાગ્રામ પર લોકોને પ્રોડક્ટની લિંક મોકલવામાં આવે છે. જેમાં ભારે ડિસ્કાઉન્ટ ઉપલબ્ધ હોવાનું કહેવાય છે. પરંતુ વાસ્તવમાં આવું કંઈ હોતું નથી, આવી લિન્ક પર ક્લિક કરતાં ઘણીવાર પૈસા ગુમાવવાની સાથે ગ્રાહકને છેતરાયાનો અનુભવ થાય છે. તેથી, સોશિયલ મીડિયા પર જાહેરાતો જોઈને ખરીદી કરવાની ભૂલ ન કરો.

ચુકવણી કરતી વખતે સાવચેત રહો

ચુકવણી એ એવી વસ્તુ છે જેના પર ખરીદી કરતી વખતે મહત્તમ ધ્યાન આપવાની જરૂર છે. પરંતુ જો આ જ ક્ષણે કોઈ ભૂલ થઈ જાય તો સમજવું કે તમારી સાથે છેતરપિંડી થઈ છે. ચુકવણી કરવા માટે, તમારે ફક્ત માસ્ટરકાર્ડ અથવા વિઝા જેવા કાર્ડનો ઉપયોગ કરવો જોઈએ અને જો શક્ય હોય તો, કેશ ઓન ડિલિવરી (સીઓડી)નો વિકલ્પ હંમેશા ખુલ્લો રાખો.

આ સિવાય ઓપન બોક્સ ડિલિવરી તમને છેતરપિંડીથી બચાવી શકે છે, તમે જે પણ પ્રોડક્ટ ઓનલાઈન ઓર્ડર કરો છો, તે ડિલિવરી બોયની સામે ચેક કરો.

શોપિંગ સાઇટના નિયમો અને શરતો કાળજીપૂર્વક વાંચો

શોપિંગ સાઈટ્સના પોતાના નિયમો અને શરતો હોય છે, જેને વાંચવાની જવાબદારી દરેક ગ્રાહકની હોય છે, જેમ કે ઘણી વખત ગ્રાહકને લલચાવવા માટે આકર્ષક ડીલ્સ બતાવવામાં આવે છે અને ગ્રાહકો તેમાં ફસાઈ જાય છે, પરંતુ આ કંપનીઓ નિયમો અને શરતોમાં વાસ્તવિક રમત રમે છે. જે કોઈ વાંચતું નથી.તેનો ગેરલાભ એ છે કે ડિલિવરી સમયે ગ્રાહકને વધુ પૈસા ચૂકવવા પડે છે. કારણ કે કંપનીઓ પોતાના નિયમોમાં આ બધું લખી ચૂકી છે. તેથી, તમારે ખરીદી કરતા પહેલા ઈ-કોમર્સ સાઇટના નિયમો અને શરતો વાંચવા આવશ્યક છે.