મોબાઇલમાં સ્ક્રીનગાર્ડ લગાવતી વખતે રાખજો આ બાબતોનું ધ્યાન, નહીં તો થશે પસ્તાવો

સ્માર્ટફોનની સ્ક્રીન એ તેનો સૌથી સંવેદનશીલ ભાગ છે, કારણ કે તેને સૌથી વધુ સ્પર્શ કરવામાં આવે છે. સૌ પ્રથમ, યુઝર્સ સ્ક્રીનનો વધુ ઉપયોગ કરે છે. તેની મદદથી યુઝર સ્માર્ટફોનને ઓપરેટ કરે છે. જો સ્માર્ટફોનની સ્ક્રીન ખરાબ થઈ જશે તો તેનો ઉપયોગ કરવો લગભગ અશક્ય બની જશે. સ્માર્ટફોનને સુરક્ષિત રાખવા માટે લોકો તેના પર સ્ક્રીન ગાર્ડ લગાવે છે. સ્માર્ટફોન સ્ક્રીનને સ્ક્રેચ અને તૂટવાથી બચાવવા માટે સ્ક્રીનગાર્ડ એક સારો વિકલ્પ છે. પરંતુ, જો તે યોગ્ય રીતે ઇન્સ્ટોલ કરેલ નથી, તો તે તમારા ફોનને નુકસાન પહોંચાડી શકે છે. તેથી, સ્ક્રીનગાર્ડ લગાવતી વખતે આ બાબતોને ધ્યાનમાં રાખવી ખૂબ જ મહત્ત્વપૂર્ણ છે.

1. સારી ક્વોલિટીનું સ્ક્રીનગાર્ડ પસંદ કરો

સ્ક્રીનગાર્ડની સામગ્રી સૌથી વધુ મહત્ત્વની છે. ખરાબ ક્વોલિટીવાળા સ્ક્રીનગાર્ડને કારણે તમને ફોનનો ઉપયોગ કરવામાં મુશ્કેલી પડશે. સામાન્ય રીતે ટેમ્પર્ડ ગ્લાસ વધુ મજબૂત માનવામાં આવે છે. તમારા ફોનના મોડલ પ્રમાણે યોગ્ય માપનો સ્ક્રીનગાર્ડ પસંદ કરો.

2. લગાવતા પહેલા ફોનની સ્ક્રીન સાફ કરો

જો સ્ક્રીન પર કોઈ ધૂળ કે ગંદકી હશે તો સ્ક્રીનગાર્ડ બરાબર ચોંટશે નહીં. તેથી, સ્વચ્છ કપડાથી સ્ક્રીનને સારી રીતે સાફ કરો. આ પછી જ સ્ક્રીનગાર્ડ ઇન્સ્ટોલ કરો.

3. ઉતાવળ કરશો નહીં

સ્ક્રીનગાર્ડ લગાવતી વખતે ધીરજ રાખો. ઉતાવળમાં સ્ક્રીનગાર્ડ લગાવવાથી એર બબલ રહી શકે છે અથવા સ્ક્રીનગાર્ડ યોગ્ય રીતે ચોંટતું નથી.

4. દુકાનદાર પાસે જ લગાવડાવો

જો તમને સ્ક્રીનગાર્ડ લગાવવામાં કોઈ સમસ્યા આવી રહી હોય તો દુકાનદારની મદદ લો. તે તમારા ફોનમાં વધુ સારી રીતે સ્ક્રીનગાર્ડ લગાવી દેશે.

સ્ક્રીનગાર્ડના ગેરફાયદા

1. ટચ સ્ક્રીનની સેન્સિટિવિટી ઘટી શકે

જો નખરાબ ક્વોલિટીવાળા સ્ક્રીન ગાર્ડ લગાવડાવશો તો તે ટચ સ્ક્રીનની સેન્સિટિવિટી પર ખરાબ અસર કરી શકે છે.

2. સ્ક્રીનગાર્ડના કોર્નર નીકળી જવાની સમસ્યા

કેટલાક સ્ક્રીનગાર્ડના કોર્નરનો ભાગ નીકળી ગયો હોય શકે છે જે ઉપયોગ કરતી વખતે મુશ્કેલી ઉભી કરી શકે છે. સામાન્ય રીતે, જો સ્ક્રીનગાર્ડ યોગ્ય રીતે લગાવવામાં ન આવે તો આ પ્રકારની સમસ્યા થાય છે.

3. સ્ક્રીનગાર્ડ ક્યારે બદલવો

જો સ્ક્રીનગાર્ડ પર સ્ક્રેચ અથવા ક્રેક હોય તો તેને બદલવો જોઈએ. આ સિવાય જો સ્ક્રીનગાર્ડના કોર્નર નીકળેલા હોય તો પણ તેને બદલી નાખવું જોઈએ.