Car Insurance Tips / કાર ઇન્સ્યોરન્સ લેતી વખતે ધ્યાનમાં રાખો આ 5 બાબતો

કાર ઇન્સ્યોરન્સ એ વીમાધારક વ્યક્તિ અને વીમા કંપની વચ્ચેની સિસ્ટમ છે. આ પોલિસી કારને આકસ્મિક નુકસાન અને અકસ્માતની ઘટનામાં કોઈપણ થર્ડ પાર્ટી પ્રત્યેની કાનૂની જવાબદારીને આવરી લે છે. કાર ઇન્સ્યોરન્સને મોટર ઇન્સ્યોરન્સ પેકેજ તરીકે પણ ઓળખવામાં આવે છે.

કાર ઇન્સ્યોરન્સના ઘણા ફાયદા છે

• કાર ઇન્સ્યોરન્સ ઘણી પરિસ્થિતિઓમાં રક્ષણ પૂરું પાડે છે જેમ કે જો કાર ચોરાઈ જાય, અકસ્માત થાય અથવા કુદરતી આફતને કારણે નુકસાન થાય.
• જો ઇન્સ્યોરન્સ વેલીડ હોય તો ચલાણથી પણ બચી શકાય છે.
• તે ઈજા, મૃત્યુ અથવા તૃથર્ડ પાર્ટીની મિલકતને નુકસાન થવાથી ઉદ્ભવતી તમામ નાણાકીય જવાબદારીઓ સામે જરૂરી કવર પણ પૂરું પાડે છે.
• વ્યક્તિગત અકસ્માતને પણ અલગ કાર ઇન્સ્યોરન્સ હેઠળ આવરી લેવામાં આવશે.
• ભારતમાં, તમામ મોટરવાળા વાહનો માટે થર્ડ પાર્ટી અને લાયબિલિટી માટે ઇન્સ્યોરન્સ પોલિસી હોવી કાયદેસર રીતે ફરજિયાત છે.
• જો તમે ઇન્સ્યોરન્સ વિના કાર ચલાવો છો, તો તમારે દંડ ચૂકવવો પડી શકે છે.

કાર ઇન્સ્યોરન્સના મુખ્ય બે પ્રકાર છે, થર્ડ પાર્ટી કાર ઇન્સ્યોરન્સ અને કોમ્પ્રિહેંસિવ કાર ઇન્સ્યોરન્સ. આ સિવાય પોલિસી ખરીદતી વખતે તેની સાથે અનેક પ્રકારના એડ ઓન ઇન્સ્યોરન્સ લઈ શકાય છે. તેમાં ઝીરો ડીએપી, પર્સનલ કવર, રોડ સાઇડ આસિસ્ટન્ટ, એન્જિન પ્રોટેક્શન કવર, એનસીબી પ્રોટેક્ટર કી અને લોક રિપ્લેસમેન્ટ વગેરેનો સમાવેશ થાય છે.

કાર ઇન્સ્યોરન્સ લેતી વખતે આ પાંચ બાબતોનું ધ્યાન રાખો

જરૂરિયાતો સમજો

કાર ઇન્સ્યોરન્સ લેતી વખતે તમારી જરૂરિયાતોને સમજવી જરૂરી છે. જો તમે જૂનું વાહન ખરીદો છો, તો વાહનની ઉંમર જાણવી જોઈએ. કોમ્પ્રિહેંસિવ અને થર્ડ પાર્ટી ઇન્સ્યોરન્સ સમજવો જોઈએ. કોમ્પ્રિહેંસિવ ઇન્સ્યોરન્સ અકસ્માત દરમિયાન તમારા વાહનને થયેલા નુકસાનને આવરી લે છે, જ્યારે થર્ડ પાર્ટી ઇન્સ્યોરન્સ અકસ્માતને કારણે ત્રીજા વ્યક્તિને થયેલા નુકસાનને આવરી લે છે.

કિંમત અને સુવિધાના ગુણોત્તરનું મૂલ્યાંકન કરો

ઇન્સ્યોરન્સ લેતા પહેલા પોલિસીના કિંમત અને સુવિધાના ગુણોત્તરનું મૂલ્યાંકન કરો. આ તમને પોલિસી દ્વારા પ્રદાન કરવામાં આવતા નાણાના મૂલ્યનો વધુ સારો ખ્યાલ આપશે.

કેશલેસ ગેરેજ નેટવર્ક

ખાતરી કરો કે ઇન્સ્યોરન્સ કંપની પાસે કેશલેસ ગેરેજનું મોટું નેટવર્ક છે. આ તમને રિપેરિંગ માટે અગાઉથી ચૂકવણી કરવાની મુશ્કેલીમાંથી બચાવશે.

પોલિસી સાથે જોડાયેલી વિગતો વાંચો

પોલિસીની વિગતો ધ્યાનથી વાંચીને, કવરેજ અને ક્લેમ પ્રોસેસ વિશે માહિતી મેળવો. આ તમને અનિચ્છનીય સમસ્યાઓ ટાળવામાં મદદ કરશે.

રિન્યુ ડેટ 

જો તમારો ઇન્સ્યોરન્સ રિન્યુ કરાવવાની તારીખ પસાર થઈ જાય છે, તો કંપની ફરી એકવાર કારની તપાસ કરશે. આવી સ્થિતિમાં પૈસાની સાથે તમારો સમય પણ બરબાદ થશે. આથી કાર ઇન્સ્યોરન્સ રિન્યુ કરાવવાની તારીખ ધ્યાનમાં રાખો.

નકલી કાર ઇન્સ્યોરન્સ પોલિસી ખરીદવાથી બચવા માટેની ટિપ્સ

ઇન્સ્યોરન્સ પોલિસી ઓનલાઈન ખરીદો અથવા ચેક દ્વારા પેમેન્ટ કરો. ઓનલાઈન ખરીદી કરીને, પેમેન્ટ સીધી ઇન્સ્યોરન્સ કંપનીને કરવામાં આવે છે, જે જોખમ ઘટાડે છે. ઓફલાઈન ખરીદી કરતી વખતે, ચેક ઇન્સ્યોરન્સ કંપનીના નામે હોવો જોઈએ, કોઈ વ્યક્તિના નામે નહીં.

અરજી જાતે ભરો અથવા સીધી ઇન્સ્યોરન્સ કંપની પાસેથી પોલિસી ખરીદો. ખાલી ફોર્મ અથવા ચેક પર ક્યારેય સહી કરશો નહીં. વિશ્વસનીય ઇન્સ્યોરન્સ કંપની અથવા એગ્રીગેટર પાસેથી સીધી પોલિસી ખરીદો. વચેટિયાઓની સંડોવણી દૂર કરવા માટે ઇન્સ્યોરન્સ પ્રદાતા પાસેથી પોલિસી ખરીદો.