ઓટો એક્સપો 2025માં જોવા મળશે ભારતની પ્રથમ સોલર કાર! 50 પૈસામાં 1 કિમી ચાલશે
પૂણે સ્થિત સ્ટાર્ટઅપ કંપની વાયવે મોબિલિટી તેની સૌર ઉર્જાથી ચાલતી ઇલેક્ટ્રિક કાર EVAનું અપગ્રેડેડ વર્ઝન
પૂણે સ્થિત સ્ટાર્ટઅપ કંપની વાયવે મોબિલિટી તેની સૌર ઉર્જાથી ચાલતી ઇલેક્ટ્રિક કાર EVAનું અપગ્રેડેડ વર્ઝન રજૂ કરવાની તૈયારી કરી રહી છે. આ સોલાર કારને આવતા મહિને નવી દિલ્હીમાં આયોજિત ભારત મોબિલિટી ગ્લોબલ એક્સ્પો 2025 દરમિયાન લોકોને રજૂ કરવામાં આવી શકે છે. આ ભારતની પ્રથમ સોલર ઇલેક્ટ્રિક કાર છે જે સૌપ્રથમ ઓટો એક્સપો 2023માં રજૂ કરવામાં આવી હતી.
આ પણ વાંચો: આ ફોર-વ્હીલ ઇલેક્ટ્રિક સ્કૂટર કોઈ કારથી ઓછું નથી! સોફા જેવા ફીચર્સ, બેલેન્સનું પણ ટેન્શન નહીં
કંપનીનું કહેવું છે કે આ કાર શહેરની જરૂરિયાતોને ધ્યાનમાં રાખીને તૈયાર કરવામાં આવી છે. આ કારની સાઈઝ એવી છે કે તેને નાની જગ્યામાં પણ સરળતાથી પાર્ક કરી શકાય છે.
રેન્જ અને ચાર્જિંગ સમય
કંપનીનો દાવો છે કે આ કાર સિંગલ ચાર્જ પર 250 કિલોમીટર સુધીનું અંતર કાપી શકે છે અને છત પર લગાવવામાં આવેલી સોલાર પેનલની મદદથી આ કાર એક વર્ષમાં 3 હજાર કિલોમીટર સુધી ચાલી શકે છે. આ કાર અલ્ટ્રા ફાસ્ટ ચાર્જિંગને સપોર્ટ કરે છે અને માત્ર પાંચ મિનિટના ચાર્જમાં 50 કિલોમીટર સુધીની ડ્રાઈવિંગ રેન્જ આપે છે.
સોલર કારની ફીચર્સ
આ સોલાર ઈલેક્ટ્રિક કાર માત્ર પાંચ સેકન્ડમાં 0 થી 40 સુધીની ઝડપ પકડી શકે છે અને આ કારની ટોપ સ્પીડ 70kmph છે. આ કારની બીજી એક ખાસ વાત છે અને તે એ છે કે આ કારની રનિંગ કોસ્ટ પણ ઘણી વધારે છે, આ કારને એક કિલોમીટર ચલાવવા માટે માત્ર 0.50 પૈસાનો ખર્ચ થાય છે. ફીચર્સની વાત કરીએ તો આ કારમાં સ્માર્ટફોન કનેક્ટિવિટી, રિમોટ મોનિટરિંગ અને ઓવર એર અપડેટ્સ જેવા ખાસ ફીચર્સ મળશે.
Vayve સોલર કાર કિંમત
હાલમાં કંપનીએ આ સોલાર કારની કિંમત કેટલી હશે તે વિશે કોઈ સત્તાવાર માહિતી શેર કરી નથી, અને ન તો આ કારનું અપગ્રેડેડ વર્ઝન ક્યારે લોન્ચ કરવામાં આવશે તે જાહેર કરવામાં આવ્યું છે. આ કારની કિંમત સાથે જોડાયેલી કોઈ વિગતો હાલમાં જાહેર કરવામાં આવી નથી પરંતુ એવી અપેક્ષા છે કે આ કારની કિંમત 10 લાખ રૂપિયા (એક્સ-શોરૂમ) હોઈ શકે છે.
