Traffic Rules / કાર ચલાવતા શીખી રહ્યા છો, તો આ ટ્રાફિક નિયમોનું ચોક્કસપણે કરો પાલન

કાર ડ્રાઇવિંગ શીખતા પહેલા ટ્રાફિક નિયમો વિશે સંપૂર્ણ જ્ઞાન હોવું આવશ્યક છે. વાહન ચલાવતી વખતે ટ્રાફિકના નિયમોનું પાલન કરવું ખૂબ જ જરૂરી છે. જો તમે નિયમ મુજબ વાહન નથી ચલાવતા, તો તમે તમારી સાથે અન્ય લોકોને પણ મુશ્કેલીમાં મૂકી શકો છો. આજે અમે તમને જણાવીશું કે ડ્રાઇવિંગ શીખતી વખતે અને ડ્રાઇવિંગ શીખ્યા પછી પણ વાહન ચલાવતી વખતે તમારે કયા ટ્રાફિક નિયમોનું પાલન કરવું જોઈએ.

ડ્રાઇવિંગ સ્કૂલથી શરૂઆત કરો

જો તમે કાર ડ્રાઇવિંગ શીખવા માંગો છો, તો તમારે ડ્રાઇવિંગ સ્કૂલમાંથી જ શીખવું જોઈએ. ત્યાં તમને મહત્ત્વપૂર્ણ બાબતો વિશે જણાવવામાં આવે છે જેમ કે રસ્તા પર વાહનને કંટ્રોલ કેવી રીતે કરવું, અન્ય વાહનોથી કેટલું અંતર રાખવું, વળાંક પર સ્પીડ ઓછી કરવી, ઓવરટેકિંગ કરતી વખતે કઈ બાબતનું ધ્યાન રાખવું વગેરે બાબતો ડ્રાઇવિંગ સ્કૂલમાંથી જ શીખવા મળે છે.

ડ્રાઇવિંગ સર્ટિફિકેટ

જો તમારી પાસે લર્નિંગ ડ્રાઇવિંગ સર્ટિફિકેટ છે અને તમે કાર ચલાવવાનું શીખી રહ્યાં છો, તો આ કિસ્સામાં તમારે તમારી બાજુની સીટ પર પર્મનેન્ટ ડ્રાઇવિંગ સર્ટિફિકેટ/ લાયસન્સ ધરાવતી વ્યક્તિ હોવી જરૂરી છે. જો તમે આમ નહીં કરો તો ચલાણ કપાઈ શકે છે. કારમાં બેસતાની સાથે જ હંમેશા સીટ બેલ્ટ પહેરો. આ તમને સુરક્ષિત રાખશે અને તમને દંડથી પણ બચાવશે.

ટ્રાફિક સિગ્નલનું પાલન કરો

જો તમે કાર ચલાવવાનું શીખી રહ્યા છો, તો તમારે સૌથી પહેલા ટ્રાફિક સિગ્નલને સમજવું જોઈએ. કારણ કે જો તમે ટ્રાફિક સિગ્નલનું પાલન નહીં કરો તો દંડ થઈ શકે છે. તે જ સમયે, જો ચાર રસ્તા પર રેડ લાઈટ દેખાય છે, તો તેને પાર કરીને આગળ વધવાનો પ્રયાસ કરશો નહીંન કરવો. જ્યારે લાઈટ ગ્રીન હોય ત્યારે પણ વધુ ઝડપે વાહન ચલાવશો નહીં.

આ નિયમોનું પાલન કરો

• ઓવરટેક કરતી વખતે રોડ પરની પીળી લાઈનનું ઉલ્લંઘન કરશો નહીં.
  
• વાહન ચલાવતી વખતે મોબાઈલ ફોનનો ઉપયોગ કરશો નહીં.
  
• ચાર રસ્તા અને વળાંકવાળા રસ્તા પર ઓવરટેક કરશો નહીં.
  
• ચાર રસ્તાના ખૂણા પર તમારું વાહન રોકીને અન્ય ડ્રાઇવરોને અવરોધિત કરશો નહીં.
  
• વાહન ચલાવતી વખતે આલ્કોહોલનું સેવન ન કરો.
  
• તમારું લર્નિગ લાયસન્સ અથવા ડ્રાઇવિંગ લાઇસન્સ તમારી સાથે રાખો.