Tata Safari, Harrier અને Nexon પર ભારે ડિસ્કાઉન્ટ, આ કારો પરિવાર માટે બેસ્ટ 

ટાટા મોટર્સે જુલાઈ 2024 માટે તેની કાર પર ડિસ્કાઉન્ટ અને લાભોની જાહેરાત કરી છે. ગ્રાહકો આ મહિને Tigor, Tiago, Altroz, Harrier અને Safari ખરીદવા પર મોટી બચત કરી શકે છે. આ ડિસ્કાઉન્ટ ઓફર વર્ષ 2023 અને 2024 બંનેમાં ઉત્પાદિત મોડલ પર આપવામાં આવી રહી છે. લાભોમાં રોકડ ડિસ્કાઉન્ટ, એક્સચેન્જ બોનસ અને કોર્પોરેટ ઓફર્સનો સમાવેશ થાય છે.

જો કે આ ડિસ્કાઉન્ટ ઓફર દરેક શહેર અને ડીલરશીપમાં બદલાઈ શકે છે, તે સ્ટોકની ઉપલબ્ધતા પર પણ નિર્ભર રહેશે. ચાલો જાણીએ કઈ કાર પર કઈ ઓફર ઉપલબ્ધ છે...

Tata Harrier અને Tata Safari પર ડિસ્કાઉન્ટ

ટાટા સફારી અને હેરિયર પરની ઓફર સમાન છે. કંપની વર્ષ 2023માં ઉત્પાદિત સફારી અને હેરિયરના પ્રી-ફેસલિફ્ટ મોડલ પર 1.33 લાખનું ડિસ્કાઉન્ટ આપી રહી છે. તેમજ વર્ષ 2023માં ઉત્પાદિત ફેસલિફ્ટ મોડલ્સ પર 88,000 રૂપિયા સુધીની ઑફર્સ ઉપલબ્ધ છે. આ સિવાય વર્ષ 2024માં ઉત્પાદિત મોડલ પર 30 હજાર રૂપિયાનું એક્સચેન્જ બોનસ અને 8 હજાર રૂપિયાનો કોર્પોરેટ લાભ આપવામાં આવી રહ્યો છે.

Tata Nexon અને Tata Altroz પર ડિસ્કાઉન્ટ

વર્ષ 2023માં ઉત્પાદિત Tata Nexonના પેટ્રોલ મોડલ પર 90 હજાર રૂપિયા સુધીનું ડિસ્કાઉન્ટ આપવામાં આવી રહ્યું છે. તેના ડીઝલ વેરિઅન્ટ પર 40 હજાર રૂપિયાનું કેશ ડિસ્કાઉન્ટ અને 35 હજાર રૂપિયાનું એક્સચેન્જ બોનસ આપવામાં આવી રહ્યું છે. તેમજ વર્ષ 2023માં ઉત્પાદિત Tata Altroz યુનિટ્સ પર 70 હજાર રૂપિયા સુધીનું ડિસ્કાઉન્ટ મળી રહ્યું છે. આ ઓફર પેટ્રોલ અને ડીઝલ બંને મોડલ પર લાગુ છે.

Tata Tigor અને Tata Tiago પર ડિસ્કાઉન્ટ

Tata Tiagoના પેટ્રોલ વેરિએન્ટ પર 90 હજાર રૂપિયા સુધીનો ફાયદો મળી રહ્યો છે. આ ઓફર વર્ષ 2023ના મોડલ પર છે. વર્ષ 2023માં ઉત્પાદિત Tata Tigor મૉડલ પર 85 હજાર રૂપિયા સુધીની ઑફર્સ છે. ગ્રાહકો પેટ્રોલ અને CNG બંને મોડલ પર ડિસ્કાઉન્ટ મેળવી શકે છે.