એલોન મસ્ક ટૂંક સમયમાં લોન્ચ કરશે ટીવી એપ, ટીઝર કર્યું રિલીઝ

એલોન મસ્ક તેના સોશિયલ મીડિયા પ્લેટફોર્મ Xને સંપૂર્ણપણે બદલવામાં વ્યસ્ત છે. એલોન મસ્કએ ટ્વિટરના માલિક બન્યા બાદ તેમાં તેમણે ઘણા ફેરફાર કર્યા છે. હવે એલોન મસ્ક વધુ એક મોટો ફેરફાર કરવા જઈ રહ્યા છે. સમાચાર છે કે Elon Musk ટૂંક સમયમાં X TV એપ લોન્ચ કરશે જે ટીવી માટે હશે, એટલે કે Xનો ઉપયોગ TV પર પણ કરી શકાશે.

10 સેકન્ડનું ટીઝર રિલીઝ

X TV એપ વિશે માહિતી આપતું X TVનું 10 સેકન્ડનું ટીઝર પણ રિલીઝ કરવામાં આવ્યું છે. આવી સ્થિતિમાં એમ કહી શકાય કે સ્માર્ટ ટીવી માટે ટૂંક સમયમાં એક્સ ટીવી એપ બહાર પાડવામાં આવશે.

સીઈઓએ પુષ્ટિ કરી

Xના CEO લિન્ડા યાકેરિનોએ પણ થોડા દિવસો પહેલા કહ્યું હતું કે નાના પડદાથી લઈને મોટા પડદા સુધી X દરેક વસ્તુને બદલી રહી છે. ટૂંક સમયમાં અમે X TV એપ વડે તમારા સ્માર્ટ ટીવી પર રીઅલ-ટાઇમ આકર્ષક કન્ટેન્ટ લાવીશું. અગાઉ ગયા મહિને એલોન મસ્કે પણ ટીવી એપ વિશે માહિતી આપી હતી.

લિન્ડાના જણાવ્યા અનુસાર, યુઝર્સને X TV એપ પર ઉચ્ચ ગુણવત્તાની સામગ્રી મળશે. આ સિવાય યુઝર્સ Xના કન્ટેન્ટને મોટી સ્ક્રીન પર પણ જોઈ શકશે. વપરાશકર્તાઓને વ્યક્તિગત દૃશ્ય પણ મળશે. આ એપ દ્વારા યુઝર્સને તેમના મોબાઈલના કન્ટેન્ટ ટીવી પર જોવાની સુવિધા પણ મળશે.

X એક વીડિયો પ્લેટફોર્મ બનશે

એલોન મસ્ક ધીમે ધીમે X વીડિઓ પ્લેટફોર્મ તરફ આગળ વધી રહ્યા છે. થોડા દિવસો પહેલા જ તેમણે એક વિદેશી ન્યૂઝ ચેનલના પ્રખ્યાત એન્કર સાથે એક્સક્લુઝિવ શોમાં ભાગીદારી માટે મુલાકાત કરી હતી. આ સિવાય યુટ્યુબર મિસ્ટર બીસ્ટએ તેના એક વિડિયોમાંથી X માંથી $2,50,000 ની કમાણી કરી છે, જેના પછી X કમાણી મામલે કન્ટેન્ટ ક્રિએટર્સ વચ્ચે ખૂબ જ લોકપ્રિય બની ગયું છે.