બાઇકની સર્વિસ કરાવતી વખતે આ ભૂલ ન કરો, નહીં તો મિકેનિક કરી નાખશે તમારું ખિસ્સું ખાલી 

તમારી બાઇકની સર્વિસ કરાવતી વખતે કેટલીક ભૂલો કરવી તમને મોંઘી પડી શકે છે. જો તમે ઇચ્છો છો કે મિકેનિક તમારા ખિસ્સામાંથી ઉપાડ ન કરે, તો તમારે કેટલીક બાબતો ધ્યાનમાં રાખવી પડશે, જેમાં તમારે બાઇકમાં રેડવામાં આવેલા એન્જિન ઓઇલ સહિતની કેટલીક વિગતો પર વિશેષ ધ્યાન આપવું પડશે. અહીં આ બાબતોને વિગતવાર જણાવી રહ્યા છીએ. આને અનુસરીને મિકેનિક તમને ગેરમાર્ગે દોરી શકશે નહીં.

બાઈકનું સમાન્ય જાણકારી હોવી જરૂરી 

તમારી બાઇકના મોડેલ, એન્જિન અને અન્ય તકનીકી વિગતો વિશે જાણો. આની મદદથી તમે મિકેનિક દ્વારા આપવામાં આવેલી માહિતી અને સૂચનોને સમજી શકશો. વાસ્તવમાં કેટલીકવાર મિકેનિક એવા પાર્ટસ બદલવા અથવા સર્વિસની સલાહ કરી શકે છે જે અત્યારે જરૂરી નથી, તેથી ફક્ત તે જ કામ કરો જે જરૂરી છે.

જો સ્થળ પર રિપેયર જરૂરી ન હોય તો ના પાડો

જો મિકેનિક કહે છે કે કોઈપણ ભાગને તાત્કાલિક બદલવાની અથવા રિપેર કરવાની જરૂર છે, તો પહેલા તેની સ્થિતિ જાતે તપાસો અથવા અન્ય નિષ્ણાતની સલાહ લો. જો કોઈ પાર્ટ બદલવાની જરૂર હોય તો પહેલા તેની કિંમત અને ગુણવત્તા વિશે જાણકારી મેળવો. કેટલીકવાર મિકેનિક્સ ખર્ચાળ અથવા નકલી પાર્ટ્સ નાખવાનો પ્રયાસ કરી શકે છે.

ચેકલિસ્ટ બનાવો

સર્વિસ પહેલાં તપાસવાના પાર્ટસની લિસ્ટ બનાવો, જેથી સર્વિસ પછી તમે જોઈ શકો કે બધું બરાબર થયું છે કે નહીં. સર્વિસ પછી હંમેશા રસીદ અને ગેરેંટી કાર્ડ સાથે લો, જેથી જો કંઈક ખોટું થાય, તો તમે તેના આધારે ફરિયાદ કરી શકો.

આ બાબતોને ધ્યાનમાં રાખીને તમે ન માત્ર તમારી બાઇકને સારી રીતે જાળવી શકશો, પરંતુ બિનજરૂરી ખર્ચથી પણ બચી શકશો. આ સાથે મિકેનિક તમને ગેરમાર્ગે દોરી શકશે નહીં. તેથી જ્યારે પણ તમે તમારી બાઇકની સર્વિસ કરાવવા માંગો છો, ત્યારે અહીં જણાવેલ બાબતોને ધ્યાનમાં રાખો.