Video: 10 કરોડની કારમાં ખરીદી કરવા નીકળો અનંત અંબાણી, દેશમાં માત્ર 3 લોકો પાસે છે આ કાર
રિલાયન્સ ઈન્ડસ્ટ્રીના ચેરમેન મુકેશ અંબાણીનો નાનો દીકરો અનંત અંબાણીનો એક વીડિયો સોશિયલ મ
રિલાયન્સ ઈન્ડસ્ટ્રીના ચેરમેન મુકેશ અંબાણીનો નાનો દીકરો અનંત અંબાણીનો એક વીડિયો સોશિયલ મીડિયામાં ખૂબ વાયરલ થઈ રહ્યો છે, જેમાં અનંત અંબાણી 10 કરોડની કારમાં દુબઈમાં ખરીદી કરવા નીકળો હતો. ચુસ્ત સુરક્ષા વચ્ચે તે નારંગી રોલ્સ રોયસ કુલીનન બ્લેક બેજમાં દુબઈ મોલમાં પહોંચ્યો હતો. તેની સુરક્ષામાં 20 લક્ઝરી કારનો કાફલો જોવા મળ્યો. એક યુઝરે આ વીડિયો ઈન્સ્ટાગ્રામ પર પોસ્ટ કર્યો છે.
હુરુન ઈન્ડિયા લક્ઝરી કન્ઝ્યુમર સર્વે 2023 અનુસાર, લક્ઝરી એસયુવીમાં Rolls-Royce Cullinan ભારતીયોની પહેલી પસંદગી છે. કંપનીએ 2020માં ભારતમાં તેની કુલીનન બ્લેક બેજ કાર લોન્ચ કરી હતી. ભારતમાં તેની કિંમત લગભગ 8.2 કરોડ રૂપિયા છે. ટેક્સ પછી તેની કિંમત 10 કરોડ રૂપિયાની આસપાસ આવે છે. બોલિવૂડના દિગ્ગજ અભિનેતા શાહરૂખ ખાન પાસે પણ આ કાર છે.
આ પણ વાંચોઃ Honda Amaze નવા અવતારમાં આવી રહી છે, આ મોટા ફેરફારો તેને ખાસ બનાવશે
અનંત અંબાણી અને રાધિકા મર્ચન્ટના લગ્ન 12 જુલાઈએ મુંબઈમાં થવાના છે. ગયા મહિને જામનગરમાં તેમની પ્રી-વેડિંગ સેરેમની યોજાઈ હતી. જેમાં વિશ્વભરમાંથી અનેક જાણીતી હસ્તીઓએ ભાગ લીધો હતો. તેમાં વૈશ્વિક પોપ આઇકોન રિહાના, મેટા પ્લેટફોર્મના બોસ માર્ક ઝુકરબર્ગ અને માઇક્રોસોફ્ટના કો-ફાઉન્ડર બિલ ગેટ્સનો સમાવેશ થાય છે. આ ઈવેન્ટનો એક વીડિયો ખૂબ વાયરલ થયો હતો, જેમાં માર્ક ઝુકરબર્ગ અને તેમની પત્ની અનંત અંબાણીને તેની ઘડિયાળ વિશે પૂછી રહ્યા હતા. આ ઈવેન્ટમાં અંબાણીએ રિચર્ડ મિલે બ્રાન્ડની ઘડિયાળ પહેરી હતી. આ વિશ્વભરમાં લક્ઝરી ઘડિયાળ તરીકે ઉભરી આવી છે. આ બ્રાન્ડની માત્ર 5,300 ઘડિયાળો એક વર્ષમાં બને છે જેની સરેરાશ કિંમત $250,000 છે.
કોની પાસે છે આ કાર?
લક્ઝરી SUVમાં રોલ્સ-રોયસ કુલીનન ભારતીયોની પહેલી પસંદ હોઈ શકે છે, પરંતુ મીડિયા રિપોર્ટ્સ અનુસાર, દેશમાં માત્ર ત્રણ લોકો પાસે જ રોલ્સ રોયસ કુલીનન બ્લેક બેજ કાર છે. જેમાં મુકેશ અંબાણી, અભિનેતા શાહરૂખ ખાન અને હૈદરાબાદના બિઝનેસમેન નસીર ખાનનો સમાવેશ થાય છે. આ સિવાય મુકેશ અંબાણી પાસે બેન્ટલી, લેન્ડ રોવર રેન્જ રોવર, કેડિલેક, ટેસ્લા, પોર્શે, ફેરારી, મર્સિડીઝ, BMW, ઓડી, લેક્સસ, વોલ્વો, ટોયોટા સહિત અન્ય ઘણી કંપનીઓની લક્ઝરી કાર છે. અંબાણી પરિવાર પાસે તેમની સિક્યોરિટીમાં ટોયોટા ફોર્ચ્યુનર, મર્સિડીઝ-બેન્ઝ જી-ક્લાસ, લેન્ડ રોવર ડિસ્કવરી, મર્સિડીઝ-બેન્ઝ વી-ક્લાસ અને એમજી ગ્લોસ્ટર તેમજ ટોયોટા ઈનોવા હાઈક્રોસ જેવી કાર છે.
