VIDEO: વડોદરાના સાવલીમાં GIDCની ખાનગી કંપનીમાં લાગી ભીષણ આગ, ફાયરના જવાનોએ સંભળ્યો મોર્ચો
ગરમીની હજુ તો શરૂઆત થઈ છે, ત્યાં ઠેકઠેકાણે આગ લાગવાની દુર્ઘટના સામે આવી છે. 
ગરમીની હજુ તો શરૂઆત થઈ છે, ત્યાં ઠેકઠેકાણે આગ લાગવાની દુર્ઘટના સામે આવી છે. વડોદરાના સાવલી તાલુકાના મંજુસર ગામ પાસે આવેલી GIDCની એક કંપનીમાં ભીષણ આગના અહેવાલ સામે આવ્યા છે.
GIDCની AMS કંપનીમાં ભયાનક આગ
GIDCની AMS (એડવાન્સ મેડ ટેક સોલ્યુશન પ્રાઇવેટ લિમિટેડ) નામની ખાનગી કંપનીમાં ભયાનક આગ લાગી છે. મળતા અહેવાલ પ્રમાણે જોત જોતામાં આગે વિકરાળ સ્વરૂપ ધારણ કર્યું હતું.
આ આગ કયા કારણોસર લાગી હજું કારણ અકબંધ
હાલ એ કારણ જાણવા મળ્યું નથી કે આ આગ કયા કારણોસર લાગી હતી. જોકે આગના કારણે ધુમાડાના ગોટે ગોટા જોવા મળ્યા હતા. આગની ઘટનાની જાણ થતાં ફાયર વિભાગનો કાફલો ઘટના સ્થળ પર પહોંચ્યો હતો, અને આગને કાબુમા લેવાનો પ્રયાસ કર્યો છે. જોકે હાલ કોઈ જાનહાનીના અહેવાલ પ્રાપ્ત થયા નથી.
