Video: Chhota Udaipur માં કમોસમી વરસાદથી ખેડૂતો ચિંતિત, ડાંગર સહિતના પાકને મોટું નુકસાન

છોટાઉદેપુર જિલ્લામાં આખી રાત ધીમી ધારે વરસાદ વરસતા ખેડૂતોમાં ચિંતાનો માહોલ ફેલાયો છે. સાંજથી સવાર સુધી ઊંચાપાન, ડુંગરવાંટ અને ઝોઝ વિસ્તાર સહિત જિલ્લાના અનેક વિસ્તારોમાં ધીમી ધારે સતત વરસાદ વરસ્યો હતો.

સમગ્ર જિલ્લામાં છૂટોછવાયો કમોસમી વરસાદ નોંધાતા ખેતીને વ્યાપક નુકસાન થયું છે. આ કમોસમી વરસાદથી હાલમાં વાવણી કરેલા મકાઈ અને તુવરના પાકોને પણ નુકસાન પહોંચ્યું છે.

ડાંગરની ખેતીને વ્યાપક અસર

આ વરસાદની સૌથી ગંભીર અસર ડાંગરની ખેતી પર જોવા મળી છે. ખેતરોમાં તૈયાર થઈ ગયેલા ઉભા ડાંગરના પાક પર વરસાદનું પાણી પડતાં મોટા ભાગનો પાક જમીન પર પડી ગયો છે, જેના કારણે ખેડૂતોને મોટું નુકસાન થયું છે.

વળી, ડાંગરના દાણાને પાણી લાગવાથી તે ખેતરમાં જ ઉગી નીકળવાની ભીતિ સેવાઈ રહી છે. જો આવું થશે તો ખેડૂતોને હાથમાં આવેલો પાક ગુમાવવો પડશે. આ ઉપરાંત, પલળી ગયેલી ડાંગરના માર્કેટમાં યોગ્ય ભાવ નહીં મળવાને કારણે પણ ખેડૂતો ભારે ચિંતિત બન્યા છે.

છેલ્લા 24 કલાકમાં વરસેલા વરસાદના આંકડા (ઇંચમાં)

છેલ્લા 24 કલાકમાં જિલ્લામાં નોંધાયેલા વરસાદના આંકડા નીચે મુજબ છે, જે દર્શાવે છે કે કવાંટ વિસ્તારમાં સૌથી વધુ વરસાદ પડ્યો છે:

સમગ્ર જિલ્લામાં કમોસમી વરસાદના કારણે ખેડૂતોની હાલત કફોડી બની છે અને તેઓ સરકાર દ્વારા સર્વે કરીને યોગ્ય સહાયની માંગ કરી રહ્યા છે.