VIDEO: મોરબીના રવપારમાં ફર્નિચરની દુકાનમાં ભીષણ આગ ફાટી નીકળી, સદનસીબે જાનહાનિ ટળી

મોરબીના રવપાર વિસ્તારમાં આવેલી દીપકલા ફર્નિચરની દુકાનમાં વહેલી સવારે ભીષણ આગ ફાટી નીકળી હતી. આગની જાણ થતાં જ ફાયર બ્રિગેડની 2 ટીમો તાત્કાલિક ઘટનાસ્થળે દોડી ગઈ હતી અને આગ પર કાબૂ મેળવવાની કામગીરી હાથ ધરી હતી. આગ કયા કારણોસર લાગી તે હજુ જાણી શકાયું નથી, પરંતુ સદનસીબે આ દુર્ઘટનામાં કોઈ જાનહાનિના સમાચાર નથી. ફર્નિચરનો જથ્થો હોવાથી આગ ઝડપથી પ્રસરી હતી, જેના કારણે મોટું આર્થિક નુકસાન થવાની ભીતિ છે.