Video: રાજકોટના મોલમાં 'લાલો' ફિલ્મના પ્રમોશન દરમિયાન મચી નાસભાગ, એક બાળકીનો માંડ જીવ બચ્યો

રાજકોટના ક્રિસ્ટલ મોલમાં લાલો ફિલ્મના પ્રમોશન દરમિયાન ફિલ્મ કાસ્ટને જોવા માટે લોકો ઉમટી પડતા ઓવરક્રાઉડમાં અનેક બાળકો ફસાયા હતા. એક બાળકીનો જીવ તો માંડ માંડ બચ્યો હોય તેવા દ્રશ્યો જોવા મળ્યા હતા. આયોજકો વ્યવસ્થા જાળવવામાં નિષ્ફળ રહેતા અફરાતફરીનો માહોલ સર્જાયો હતો.

 બે લોકોએ દેવદૂત બનીને બાળકીનો જીવ બચાવ્યો

ગુજરાતી ફિલ્મ લાલોના કલાકારો રાજકોટ મુલાકાતે છે, ત્યારે ક્રિસ્ટલ મોલમાં આ ફિલ્મના પ્રમોશન દરમિયાન અફરાતફરીનો માહોલ સર્જાયો હતો. ફિલ્મ કાસ્ટને જોવા માટે લોકો ઉમટી પડતા ઓવરક્રાઉડમાં અનેક બાળકો ફસાયા હતા. કેટલાય બાળકો પડી પણ ગયા હતા. જ્યારે એક બાળકીનો જીવ તો માંડ માંડ બચ્યો હોય તેવા દ્રશ્યો જોવા મળ્યા હતા. બાળકી મોલમાં એસ્કેલેટર સીડીના પગથીયે પટકાઈ હતી. જોકે ત્યાં રહેલા બે લોકોએ દેવદૂત બનીને બાળકીનો જીવ બચાવ્યો હતો. આયોજકો વ્યવસ્થા જાળવવામાં નિષ્ફળ રહેતા અફરાતફરીનો માહોલ સર્જાયો હતો. તેમજ કોઈ અઘટિત ઘટના ન બને તે ધ્યાને લઈને ફિલ્મ કલાકારો મોલમાંથી રવાના થઈ ગયા હતા.