Video: રાપરમાં જર્જરિત ગેલેરીનો ભાગ ધરાશાયી, વાહનોને મોટા પાયે નુકસાન

કચ્છના રાપરમાં એસટી ડેપો નજીક એક જર્જરિત ઇમારતનો સ્લેબ અચાનક ધરાશાયી થયો હતો. જાહેર માર્ગ પર દીવાલ અને સ્લેબનો કાટમાળ પડતા નીચે પાર્ક કરેલા અનેક વાહનો દબાઈ ગયા હતા. આ દુર્ઘટનામાં સદનસીબે કોઈ જાનહાનિ થઈ નથી, પરંતુ વાહનોને મોટા પાયે નુકસાન પહોંચ્યું છે. ઘટનાની જાણ થતા જ નગરપાલિકા અને તંત્રના અધિકારીઓ સ્થળ પર દોડી ગયા હતા. આ ઘટના બાદ રાપર શહેરમાં રહેલી અન્ય ભયજનક અને જર્જરિત ઈમારતોને ઉતારી લેવા માટે સ્થાનિકોમાં ઉગ્ર માંગ ઉઠી છે.