VIDEO: રખિયાલના જય ચકુડિયા મહાદેવમાં શ્રાવણ ઉત્સવ

અમદાવાદના રખિયાલ સ્થિત સુપ્રસિદ્ધ જય ચકુડિયા મહાદેવ મંદિરે શ્રાવણ માસની ઉજવણી અંતર્ગત વિવિધ ધાર્મિક કાર્યક્રમોનું ભવ્ય આયોજન કરવામાં આવ્યું છે. શ્રદ્ધાળુઓ માટે મહાદેવને સવામણ દૂધનો અભિષેક, સવાલાખ બીલીપત્ર અર્પણ કરવા સહિત દર સોમવારે અખંડ ધૂન અને અંતિમ સોમવારે બરફના શિવલિંગના દર્શન યોજાશે. મંદિર ટ્રસ્ટી જે.જે. રાવલના જણાવ્યા અનુસાર, શ્રાવણ અમાસે લઘુરુદ્ર હવન, રક્ષાબંધને ઘીમાંથી નિર્મિત શિવ પરિવારના દર્શન તેમજ જન્માષ્ટમીએ કૃષ્ણ જન્મોત્સવની ધામધૂમથી ઉજવણી કરાશે. આ સમગ્ર પવિત્ર માસ દરમિયાન ભક્તો માટે વિશેષ પૂજા અને દર્શનની અલૌકિક વ્યવસ્થા કરવામાં આવી છે.