VIDEO : ગુજરાતમાં 30 મેથી 4 જૂન સુધી ગાજવીજ અને ભારે પવન સાથે વરસાદની આગાહી

કાળઝાળ ગરમીથી પરેશાન લોકો માટે રાહતના સમાચાર આવ્યા છે. હવામાન વિભાગની તાજેતરની આગાહી મુજબ,  રાજ્યમાં 30 મેથી 4 જૂન દરમિયાન ગાજવીજ અને ભારે પવન સાથે વરસાદ પડવાની શક્યતા છે. ખાસ કરીને 31 મેના રોજ અરવલ્લી, મહીસાગર અને દાહોદમાં ભારે વરસાદની ચેતવણી આપવામાં આવી છે, જ્યારે 1 જૂને અમદાવાદમાં થન્ડર સ્ટોર્મ એક્ટિવિટી સાથે સામાન્યથી મધ્યમ વરસાદની આગાહી છે. દેશમાં ભલે 90 ટકા વરસાદની શક્યતા હોય. પરંતુ ગુજરાતમાં આ વર્ષે સામાન્ય કરતાં ઓછો વરસાદ રહેવાની સંભાવના વ્યક્ત કરવામાં આવી છે. જોકે, હાલ ચોમાસું આગળ વધવા માટેના પરિબળો સાનુકૂળ હોવાનું પણ હવામાન વિભાગે જણાવ્યું છે.