VIDEO: વલસાડના ઉમરગામ બીચ પર કચરાનું સામ્રાજ્ય

વલસાડ જિલ્લાના ઉમરગામ દરિયા કિનારે ચોમાસાની મોટી ભરતી બાદ હજારો ટન કચરો અને લાકડાં તણાઈ આવતાં દરિયાકિનારાની સુંદરતા બગડી ગઈ છે. દર વર્ષે પ્લાસ્ટિક વેસ્ટ સહિત માનવસર્જિત કચરો દરિયામાંથી કિનારે પહોંચતો હોવાથી પર્યાવરણ અને દરિયાઈ જીવસૃષ્ટિ માટે ગંભીર ખતરો ઉભો થયો છે. સ્થાનિકોનું માનવું છે કે નદી-નાળાઓમાં છોડવામાં આવતા ઔદ્યોગિક અને અન્ય કચરાના કારણે આ સ્થિતિ સર્જાઈ રહી છે. પર્યાવરણપ્રેમીઓએ સરકારને નદી-નાળાઓ નજીક પ્રદૂષણ ફેલાવતા તત્વો સામે કડક કાર્યવાહી કરવાની માંગ કરી છે. દરિયાકિનારાની સ્વચ્છતા અને જીવસૃષ્ટિના સંરક્ષણ માટે તાત્કાલિક પગલાં લેવાની જરૂરિયાત વ્યક્ત થઈ રહી છે.