VIDEO: ભારતીયોની ફેવરિટ ફેમિલી કાર! 26 kmની માઇલેજ આપતી આ ગાડીની જૂનમાં થઈ ધૂમ કમાણી

ભારતીય ગ્રાહકો વચ્ચે મલ્ટી યુટિલિટી વ્હીકલ (MUV) અથવા એમપીવી (MPV) કારોને ખૂબ જ પસંદ કરવામાં આવે છે. જો ગયા મહિનાની એટલે કે જૂન 2026ની વાત કરીએ તો, હંમેશની જેમ આ વખતે પણ મારુતિ સુઝુકી અર્ટિગા (Maruti Suzuki Ertiga) એ ટોપ પોઝિશન હાંસલ કરી લીધી છે. અર્ટિગાને જૂન 2026માં કુલ 16,111 નવા ગ્રાહકો મળ્યા. આ દરમિયાન વાર્ષિક ધોરણે અર્ટિગાના વેચાણમાં 13.9%નો વધારો જોવા મળ્યો છે. જ્યારે બરાબર એક વર્ષ પહેલા એટલે કે જૂન 2025માં આ આંકડો 14,151 યુનિટ પર હતો. તમને જણાવી દઈએ કે આ આખા સેગમેન્ટના એકલા 45.0% હિસ્સા પર અર્ટિગાનો કબજો છે.

બીજા નંબરે રહી ટોયોટા ઇનોવા

વેચાણની આ યાદીમાં બીજા નંબરે ટોયોટા ઇનોવા હાઇક્રોસ અને ક્રિસ્ટા (Toyota Innova) નો કબજો રહ્યો. ટોયોટા ઇનોવાએ આ દરમિયાન 16.7% ના વાર્ષિક ઘટાડા સાથે કુલ 7,332 યુનિટ કારનું વેચાણ કર્યું.

જ્યારે ત્રીજા નંબરે વેચાણની આ લિસ્ટમાં કિયા કેરેન્સ અને ક્લેવિસ (Kia Carens & Clavis)ની જોડી રહી. કિયાની આ ગાડીઓએ આ દરમિયાન 38.8% ના વાર્ષિક ઘટાડા સાથે માત્ર 4,847 યુનિટ કારનું વેચાણ કર્યું છે.

ચોથા અને પાંચમા નંબરે મારુતિ XL6 અને ટોયોટા રુમિયન

વેચાણની યાદીમાં ચોથા નંબરે મારુતિ સુઝુકી XL6 એ પોતાનું સ્થાન બનાવ્યું છે. મારુતિ XL6 એ જૂન 2026માં 34.8% ના વાર્ષિક વધારા સાથે કુલ 2,711 યુનિટ કાર વેચી.

બીજી તરફ બજેટ સેગમેન્ટમાં ટોયોટા રુમિયન (Toyota Rumion) એ પણ પોતાનો દબદબો જમાવ્યો છે. રુમિયન પાંચમા નંબરે રહી અને તેણે વાર્ષિક ધોરણે 67.9% ના જબરદસ્ત વધારા સાથે કુલ 2,376 યુનિટ કારનું વેચાણ કર્યું છે.

ઇન્વિક્ટોની શાનદાર રફતાર

આ લિસ્ટમાં છઠ્ઠા નંબરે રેનો ટ્રાઇબર (Renault Triber) એ પોતાનો દબદબો બતાવ્યો. ટ્રાઇબરે આ દરમિયાન 31.7% ના વાર્ષિક વધારા સાથે કુલ 1,871 યુનિટ એમપીવી વેચી.

જ્યારે પ્રીમિયમ સેગમેન્ટની વાત કરીએ તો, સાતમા નંબરે મારુતિ સુઝુકી ઇન્વિક્ટો (Maruti Suzuki Invicto) રહી. મારુતિ ઇન્વિક્ટોએ જૂન 2026માં 32.2% ના વાર્ષિક વધારા સાથે કુલ 349 યુનિટ કારનું વેચાણ કર્યું.

છેલ્લા સ્થાને રહી કિયા કાર્નિવલ

સુપર પ્રીમિયમ અને લક્ઝરી સેગમેન્ટમાં ટોયોટા વેલફાયર (Toyota Vellfire) આઠમા નંબરે રહી. વેલફાયરે આ દરમિયાન 10.3% ના વાર્ષિક ઘટાડા સાથે કુલ 140 યુનિટ કાર વેચી.

જ્યારે લિસ્ટમાં નવમા અને છેલ્લા સ્થાન પર કિયા કાર્નિવલ (Kia Carnival) રહી. કિયા કાર્નિવલે આ દરમિયાન 36.2% ના વાર્ષિક ઘટાડા સાથે માત્ર 30 યુનિટ કારનું વેચાણ કર્યું છે.

આખરે કેમ સુપરહિટ છે અર્ટિગા?

અર્ટિગાની આ સફળતા પાછળ તેનું દમદાર એન્જિન અને શાનદાર માઇલેજ છે. આ કાર 1.5-લીટર પેટ્રોલ એન્જિન સાથે આવે છે. આમાં ગ્રાહકોને 5-સ્પીડ મેન્યુઅલ અને 6-સ્પીડ ઓટોમેટિક ગિયરબોક્સનો ઓપ્શન મળે છે.

પેટ્રોલ વેરિઅન્ટનું માઇલેજ: 20.3 થી 20.51 કિલોમીટર પ્રતિ લીટર

સીએનજી (CNG) વેરિઅન્ટનું માઇલેજ: અંદાજે 26.11 કિલોમીટર પ્રતિ કિલોગ્રામ

કિંમત: મારુતિ અર્ટિગાની એક્સ-શોરૂમ કિંમત 8.80 લાખ રૂપિયાથી શરૂ થઈને 13.13 લાખ રૂપિયા સુધી જાય છે.