VIDEO: દિલ્હીના રાજકીય ક્ષેત્રે ગરમાવો! ભગવંત માન રાષ્ટ્રપતિ દ્રૌપદી મુર્મુને મળવા માટે રવાના, સરકારનો પક્ષ કરશે રજૂ

પંજાબના મુખ્યમંત્રી ભગવંત માન બળવાખોર સાંસદોનું સભ્ય પદ રદ કરવાની માંગ સાથે રાષ્ટ્રપતિ દ્રૌપદી મુર્મુને મળવા દિલ્હી રવાના થયા છે. નિર્ધારિત કાર્યક્રમ મુજબ, તેઓ બપોરે ૧૨ વાગ્યે રાષ્ટ્રપતિને મળીને સરકારનો પક્ષ રજૂ કરશે, જ્યારે તે પહેલા ભાજપમાં જોડાયેલા રાઘવ ચઢ્ઢા પણ રાષ્ટ્રપતિ સાથે મુલાકાત કરશે. ઉલ્લેખનીય છે કે ૨૪ એપ્રિલના રોજ આપના ૧૦માંથી ૭ રાજ્યસભા સાંસદો સામૂહિક નિર્ણય લઈ ભાજપમાં સામેલ થયા હતા. ભગવંત માન આ સાંસદો વિરુદ્ધ કડક કાર્યવાહીની માંગ કરશે, જ્યારે રાઘવ ચઢ્ઢા તેમના સાથીઓ સાથે મળીને પંજાબ સરકાર દ્વારા લેવામાં આવેલા પગલાં પર સવાલ ઉઠાવવાની તૈયારીમાં છે, જેના કારણે દિલ્હીના રાજકીય ક્ષેત્રે ભારે ગરમાવો જોવા મળી રહ્યો છે.