VIDEO : અમરેલી લેટરકાંડ અને પાટીદાર યુવતી અંગે પરશોત્તમ રૂપાલાએ પહેલીવાર આપ્યું નિવેદન, જુઓ શું કહ્યું

રાજકોટમાં આંતરરાષ્ટ્રીય પતંગ મહોત્સવમાં હાજર રહેલા લોકસભા સાંસદ તેમજ પૂર્વ કેન્દ્રીય મંત્રી  પરશોત્તમ રૂપાલાએ અમરેલી લેટરકાંડમાં પાટીદાર યુવતીના સરઘસ અંગે પહેલીવાર નિવેદન આપ્યું હતું. તેમણે કહ્યું કે પોલીસે આ મામલામાં ઉતાવળ કરી છે, પાટીદાર યુવતી સાથેનો પોલીસનો વ્યવહાર યોગ્ય નથી. વિપક્ષ દ્વારા આ આખા પ્રકરણને એક તરફ  લઈ જવાનો પ્રયાસ કરવામાં આવી રહ્યો છે એ યોગ્ય નથી. મૂળ વિષય નનામી પત્રિકાનો હતો. આ પત્રિકાની તપાસના વિષયને કોંગ્રેસે મુખ્ય બનાવી દીધો. અમરેલી SPએ આ મામલે તપાસ સમિતિ બનાવી છે અને યોગ્ય તપાસ થશે. અમરેલી ભાજપમાં જૂથવાદ અંગે પૂછતાં તેમણે કહ્યું કે મારું કોઈ જૂથ નથી.