VIDEO: J&k/ કુલગામમાં હુમલા બાદ સુરક્ષા દળોએ સમગ્ર વિસ્તાર ઘેરી લીધો, આતંકવાદીઓની શોધખોળ તેજ

જમ્મુ-કાશ્મીરમાં આતંકવાદીઓ સામે સુરક્ષા દળોનું અભિયાન તેજ બન્યું છે. કુલગામના કેલ્લામ વિસ્તારમાં શુક્રવારે મોડી સાંજે થયેલા આતંકવાદી હુમલા બાદ સુરક્ષા દળોએ સમગ્ર વિસ્તારની ઘેરાબંધી કરીને સર્ચ ઓપરેશન શરૂ કરી દીધું છે. આ હુમલામાં છત્તીસગઢના એક મજૂરનું મોત થયું છે, જ્યારે અન્ય એક ઘાયલ થયો છે.

છત્તીસગઢના એક મજૂરનું મોત થયું હતું

લશ્કર-એ-તૈયબા સાથે જોડાયેલા સંગઠન 'ધ રેઝિસ્ટન્સ ફ્રન્ટ' (TRF) એ ગઈકાલે સાંજે આશરે ૮:૩૦ વાગ્યે કુલગામના કેલ્લામ વિસ્તારમાં આતંકવાદી હુમલો કરવાનો પ્રયાસ કર્યો હતો. જેમાં છત્તીસગઢના એક મજૂરનું મોત થયું હતું અને અન્ય એક ઘાયલ હોવાનું કહેવાય છે. હાલ હોસ્પિટલમાં તેની સારવાર ચાલી રહી છે. સુરક્ષા દળોએ વિસ્તારને ઘેરી લીધો છે અને ગુપ્ત માહિતીના આધારે મોટા પાયે સર્ચ ઓપરેશન ચલાવવામાં આવી રહ્યું છે.

બંને મજૂરો છત્તીસગઢના હોવાનું કહેવાય છે. મૃતકની ઓળખ ૨૪ વર્ષીય દીપક રાત્રે તરીકે થઈ છે. જ્યારે ૨૮ વર્ષીય ભોપિન્દર આ હુમલામાં ગંભીર રીતે ઘાયલ થયા છે. ગંભીર હાલતમાં તેમને 'શેર-એ-કાશ્મીર ઇન્સ્ટિટ્યૂટ ઓફ મેડિકલ સાયન્સ' લઈ જવામાં આવ્યા હતા, જ્યાં તેમનું ઓપરેશન કરવામાં આવ્યું હતું. ડોક્ટરોનું કહેવું છે કે તેમની છાતીના જમણા ભાગમાં ગોળી વાગી છે અને હાલ તેમની હાલત ગંભીર છે.

છત્તીસગઢના મુખ્યમંત્રી વિષ્ણુ દેવ સાયે આ હુમલાની નિંદા કરી છે. તેમણે તેને કાયરતાપૂર્ણ હુમલો ગણાવતા છત્તીસગઢના મજૂરના મોત પર શોક વ્યક્ત કર્યો હતો અને ઘાયલ મજૂર ટૂંક સમયમાં સ્વસ્થ થાય તેવી કામના કરી હતી. તેમણે આશ્વાસન આપ્યું હતું કે સરકાર પીડિત પરિવારની સાથે છે.

જમ્મુ-કાશ્મીરના ઉપરાજ્યપાલ મનોજ સિન્હાએ આ હુમલાની સખત શબ્દોમાં નિંદા કરી છે. તેમણે ડીજીપી નલિન પ્રભાત અને અન્ય વરિષ્ઠ અધિકારીઓ સાથે વાતચીત કરી હતી. આ સાથે જ તેમણે સુરક્ષા દળોને અભિયાન તેજ કરવા અને ટૂંક સમયમાં આતંકવાદીઓને ઠાર કરવાનો નિર્દેશ આપ્યો હતો.