VIDEO: કપરાડામાં ૨૦ થી વધુ મજૂરો ભરેલી જીપ પલટી

વલસાડ જિલ્લાના કપરાડા તાલુકાના માલઘર ખાતે એક ગંભીર અકસ્માત સર્જાયો હતો, જેમાં મજૂરોને લઈ જતી બોલેરો જીપ પલટી ખાઈ ગઈ હતી. કપરાડાથી નાસિક જઈ રહેલી આ જીપમાં ૨૦ થી વધુ શ્રમિકો સવાર હતા.યાત્રા દરમિયાન ચાલકે અચાનક સ્ટેરિંગ પરથી કાબુ ગુમાવી દેતા બોલેરો જીપ બે થી ત્રણ પલટી ખાઈને રસ્તાની બાજુમાં ખાબકી હતી. અકસ્માતની જાણ થતાં જ સ્થાનિક લોકો તાત્કાલિક મદદ માટે ઘટનાસ્થળે દોડી આવ્યા હતા. સ્થાનિકોએ બચાવ કામગીરી હાથ ધરીને તમામ ઈજાગ્રસ્ત મજૂરોને તાકીદે સારવાર અર્થે નજીકની હોસ્પિટલમાં ખસેડ્યા હતા.