યુએસ: કમલા હેરિસે ડેમોક્રેટિક પાર્ટીનું નામાંકન સ્વીકાર્યું; ટ્રમ્પ પર પ્રહારો કરતાં કહ્યું..

અમેરિકામાં રાષ્ટ્રપતિની ચૂંટણી યોજાવાની છે. શિકાગોમાં ડેમોક્રેટિક નેશનલ કન્વેન્શન, DNC ખાતે કમલા હેરિસે સત્તાવાર રીતે તેમની ઉમેદવારી સ્વીકારી. ડેમોક્રેટિક નેશનલ કન્વેન્શનના છેલ્લા દિવસે કમલા હેરિસે રાષ્ટ્રપતિ પદના ઉમેદવાર તરીકે તેમનું નામાંકન સ્વીકાર્યું હતું. આ પ્રસંગે તેમણે કહ્યું હતું કે,  "હું યુનાઇટેડ સ્ટેટ્સના રાષ્ટ્રપતિ માટે મારું નોમિનેશન સ્વીકારું છું."  

જ્યારે કમલા હેરિસ ભાષણ આપવા આવ્યા તો લોકો લાંબા સમય સુધી તાળીઓ પાડતા રહ્યા. તેમણે લોકોને રોક્યા અને પછી જ તે પોતાનું ભાષણ શરૂ કરી શક્યા હતા. કમલા હેરિસે તેમના ભાષણની શરૂઆત તેમના પતિ ડગ એમહોફને લગ્નની 10મી વર્ષગાંઠની શુભેચ્છા પાઠવી હતી. આ સિવાય તેમણે પોતાની ભારતીય માતાનો ઉલ્લેખ કર્યો. તેમણે એ પણ સ્વીકાર્યું કે તેમની ઉમેદવારી ખૂબ જ વિચિત્ર સંજોગોમાં થઈ હતી.

વાઇસ પ્રેસિડેન્ટ કમલા હેરિસે લોકોને જણાવ્યું કે કેવી રીતે તેમની માતાએ તેમનો ઉછેર કર્યો. તેમણે માતાને અદભૂત '5 ફૂટ લાંબી બ્રાઉન લેડી' ગણાવી હતી. તેમણે કહ્યું, 'તે ખૂબ જ કડક, અને શિસ્તબદ્ધ હતી. તેણે જ રસ્તો બતાવ્યો હતો. તેમણે અમને અન્યાયની ફરિયાદ ન કરવા પરંતુ તેના માટે અવાજ ઉઠાવવાનું શીખવ્યું. તેમણે અમને શીખવ્યું કે આપણે ક્યારેય અડધા મનથી કંઈ ન કરવું જોઈએ. અને તે પોતે આનું ઉદાહરણ છે. કમલા હેરિસે ભાષણ દરમિયાન લોકોને કહ્યું કે તે ઉમેદવારી સ્વીકારે છે.

રાષ્ટ્રપતિ પદની ઉમેદવારી સ્વીકારી

કમલા હેરિસે પોતાની જર્ની વિશે જણાવ્યું કે જેના દ્વારા તે વકીલ બની. ઉપરાંત, કમલા હેરિસે શિકાગોમાં ડેમોક્રેટિક નેશનલ કન્વેન્શનમાં પ્રમુખ માટે તેમની પાર્ટીની ઐતિહાસિક નોમિનેશન સ્વીકારી હતી. તેમણે કહ્યું, 'લોકો વતી, દરેક અમેરિકન વતી, પક્ષ, જાતિ, લિંગ અથવા તેમના મૂળને ધ્યાનમાં લીધા વિના, મારી માતા વતી અને તે બધા લોકો વતી, હું યુનાઇટેડ સ્ટેટ્સના રાષ્ટ્રપતિ બનવા માટે તમારું નોમિનેશન સ્વીકારું છું.' આટલું બોલતા જ લોકો નાચવા લાગ્યા.