US Election-2024: જો બાઈડેન US પ્રમુખપદની ચૂંટણી નહીં લડે, પોતાનું નામ પાછું ખેંચ્યું
અમેરિકી રાષ્ટ્રપતિ જો બાઈડને રવિવારે એક મોટી જાહેરાત કરતા કહ્યું કે તેઓ 2024માં અમેરિક
અમેરિકી રાષ્ટ્રપતિ જો બાઈડને રવિવારે એક મોટી જાહેરાત કરતા કહ્યું કે તેઓ 2024માં અમેરિકી રાષ્ટ્રપતિની ચૂંટણીમાંથી પોતાનું નામ પાછું ખેંચી રહ્યા છે. આ સાથે તેમણે એ પણ સ્પષ્ટ કર્યું કે તેઓ હવે અમેરિકી રાષ્ટ્રપતિની ચૂંટણીમાં દાવેદાર નથી.
બાઈડેન પછી કમલા હેરિસ આગામી દાવેદાર હશે
બાઈડેન પછી કમલા હેરિસ આગામી દાવેદાર હશે. બાઈડેનનો આ નિર્ણય એવા સમયે આવ્યો છે જ્યારે તેમના સાથી ડેમોક્રેટ તેમના પર સતત દબાણ બનાવી રહ્યા હતા અને કહી રહ્યા હતા કે તેઓ ડોનાલ્ડ ટ્રમ્પ સામે નબળા ઉમેદવાર સાબિત થઈ રહ્યા છે.
પ્રમુખપદની ચૂંટણીમાંથી પોતાનું નામ પાછું ખેંચવાની જાહેરાત કરતાં બાઈડને કહ્યું કે અમેરિકાના રાષ્ટ્રપતિ તરીકે સેવા આપવી તે તેમના માટે ખૂબ જ ગૌરવની વાત છે. આ સાથે તેમણે કહ્યું કે જ્યાં સુધી ફરી એકવાર ચૂંટણી લડવાની વાત છે તો પાર્ટી અને દેશના હિતને ધ્યાનમાં રાખીને તેઓ રાષ્ટ્રપતિ પદ માટે ચૂંટણી નહીં લડવાનો નિર્ણય લઈ રહ્યા છે.
US પ્રમુખે કહ્યું કે તેઓ આગામી દિવસોમાં તેમના નિર્ણય વિશે દેશને વિગતવાર જાણ કરશે. જો બાઈડેને ટ્વીટ કરીને પોતાના નિર્ણયનો ખુલાસો કર્યો છે. તેમણે આ ટ્વિટમાં કહ્યું, 'મારા સાથી ડેમોક્રેટ્સ, મેં નામાંકન ન સ્વીકારવાનો નિર્ણય કર્યો છે અને હવે રાષ્ટ્રપતિ તરીકેના મારા બાકીના કાર્યકાળ દરમિયાન મારી ફરજો પૂરી કરવા માટે મારી સંપૂર્ણ શક્તિનો ઉપયોગ કરીશ.'
કમલા હેરિસ આગામી દાવેદાર હશે
બાઈડને ચિઠ્ઠીમાં ઉલ્લેખ કર્યો હતો કે 2020ની ચૂંટણીમાં રાષ્ટ્રપતિ પદના દાવેદાર બન્યા બાદ તેમનો પહેલો નિર્ણય કમલા હેરિસને ઉપરાષ્ટ્રપતિ તરીકે પસંદ કરવાનો હતો. તેમણે આ નિર્ણયને શ્રેષ્ઠ નિર્ણય ગણાવ્યો હતો. આ સાથે બાઈડને આગળ કહ્યું કે, 'આજે હું કમલા હેરિસને આ વર્ષે પાર્ટીમાંથી દાવેદાર બનાવવા માટે મારું સંપૂર્ણ સમર્થન આપવા માંગુ છું.' બાઈડને સ્પષ્ટ કર્યું કે હવે કમલા હેરિસ ડેમોક્રેટ્સ તરફથી રાષ્ટ્રપતિ પદના દાવેદાર હશે.
