VIDEO: અમેરિકન સંસદના નીચલા ગૃહ 'હાઉસ ઓફ રિપ્રેઝન્ટેટિવ્સ'માં ઈરાન સામેના યુદ્ધ પર રોક લગાવતો પ્રસ્તાવ પસાર

અમેરિકા અને ઈરાન વચ્ચે વધતા તણાવ વચ્ચે પ્રમુખ ડોનાલ્ડ ટ્રમ્પને મોટો રાજકીય ફટકો પડ્યો છે. અમેરિકન સંસદના નીચલા ગૃહ 'હાઉસ ઓફ રિપ્રેઝન્ટેટિવ્સ'માં ઈરાન સામેના યુદ્ધ પર રોક લગાવતો પ્રસ્તાવ પસાર કરવામાં આવ્યો છે. આ પ્રસ્તાવની તરફેણમાં ૨૧૫ અને વિરોધમાં ૨૦૮ મત પડ્યા હતા. ગૃહમાં બહુમતી હોવા છતાં ટ્રમ્પની રિપબ્લિકન પાર્ટીના જ ૪ સાંસદોએ બળવો કરીને ડેમોક્રેટ્સના પક્ષમાં મતદાન કર્યું હતું. ડેમોક્રેટ્સનો આરોપ છે કે સંસદની મંજૂરી વિના ઈરાન સામે સૈન્ય પગલાં ભરીને ટ્રમ્પે બંધારણનું ઉલ્લંઘન કર્યું છે. આ પ્રસ્તાવને કાયદો બનવા માટે હવે ઉપલા ગૃહ 'સીનેટ'ની મંજૂરી મેળવવી પડશે, જ્યાં ટ્રમ્પ વીટો પાવરનો ઉપયોગ કરી શકે છે. જો કે, આગામી ચૂંટણી પહેલાં પોતાની જ પાર્ટીમાં વધતો વિરોધ ટ્રમ્પ માટે ચિંતાનો વિષય બન્યો છે.