FACT CHECK : બાંગ્લાદેશમાં તોફાનીઓએ હિંદુ ક્રિકેટર લિટન દાસનું ઘર સળગાવ્યું? જાણી લો સત્યતા
બાંગ્લાદેશના રાજકારણમાં તીવ્ર ભૂકંપ આવ્યો છે. વિરોધ અને રમખાણો વચ્ચે વડા પ્રધાન શેખ હસીના
બાંગ્લાદેશના રાજકારણમાં તીવ્ર ભૂકંપ આવ્યો છે. વિરોધ અને રમખાણો વચ્ચે વડા પ્રધાન શેખ હસીનાએ ઉતાવળે રાજીનામું આપીને દેશ છોડી હેલિકોપ્ટર દ્વારા ભારત આવ્યા. ભારતથી તેઓ બ્રિટન જવા રવાના થઈ ગયા છે. હજારો પ્રદર્શનકારી તોફાનીઓએ તેમના મહેલ પર હુમલો કર્યો, દરવાજા તોડીને બધું નષ્ટ કર્યું. દરમિયાન સોશિયલ મીડિયા પર દાવો કરવામાં આવી રહ્યો છે કે તોફાનીઓએ બાંગ્લાદેશી હિન્દુ ક્રિકેટર લિટન દાસ અને પૂર્વ સાંસદ ક્રિકેટર મશરફે મુર્તઝાના ઘરને આગ લગાવી દીધી છે.
બાંગ્લાદેશમાં હિંદુ મંદિરો પર હુમલાના અહેવાલો વચ્ચે લિટનનું ઘર બળી જવાના સમાચાર જોતજોતામાં ફેલાઈ ગયા. જોકે, X પર પોસ્ટ લખતા એક બાંગ્લાદેશી પત્રકારે આ સમાચારને બકવાસ ગણાવ્યા છે. તેણે દાવો કર્યો હતો કે, લિટન દાસ સાથે આવી કોઈ ઘટના બની નથી. આપણા દેશમાં ભય અને ભાગલા પાડવાનો પ્રયાસ કરી રહેલા સ્થાનિક અને આંતરરાષ્ટ્રીય ભય ફેલાવનારાઓ સામે લડવા માટે આપણે હજી લાંબી મજલ કાપવાની છે.
તેણે દાવો કર્યો કે વાયરલ થઈ રહેલી તસવીરમાં બળી ગયેલું ઘર બાંગ્લાદેશના પૂર્વ કેપ્ટન મશરફે મોર્તઝાનું છે લિટન દાસનું નહીં. અત્રે એ ઉલ્લેખ કરવો જરૂરી છે કે લિટન દાસ તે ક્રિકેટર છે, જેણે ઘણી મોટી મેચોમાં બાંગ્લાદેશની જીતમાં હીરોની ભૂમિકા ભજવી છે. લીટલ દાસ કોઈ તહેવાર પર કંઈક પોસ્ટ કરે છે, ત્યારે કટ્ટરપંથીઓ તેની દુર્વ્યવહાર કરવાનું છોડતા નથી.
બીજી તરફ બાંગ્લાદેશની સ્થિતિ શ્રીલંકાની જેવી છે. તોફાનીઓ ત્યાં શું કરશે તેનો કોઈને ખ્યાલ નથી. અત્યારે સરકાર નામની કોઈ વસ્તુ નથી. સેના બધુ સંભાળી રહી છે. જો આવી જ સ્થિતિ રહેશે તો બાંગ્લાદેશમાં સ્થિતિ વધુ ખરાબ થશે. આવી સ્થિતિમાં કોઈ પણ ઘર ક્યાં સુધી સુરક્ષિત રહેશે તે કહેવું મુશ્કેલ છે.
આ ઉપરાંત ટોળાએ વડાપ્રધાનના સત્તાવાર નિવાસસ્થાન ગણાતા આલીશાન 'ગણભવન' પર પણ હુમલો કર્યો હતો. ટોળાએ તેમાંથી ટીવી, ફર્નિચર અને અન્ય ઘણી વસ્તુઓ, કપડાં વગેરેની લૂંટ મચાવી હતી. શેખ હસીનાએ બાંગ્લાદેશ છોડીને તેમના બીજા 15 વર્ષીય કાર્યકાળનો અંત આણ્યો છે. શેખ હસીનાએ તેના પિતા મુજીબ ઉર રહેમાનના વારસાને ચાલુ રાખીને છેલ્લા 30 વર્ષોમાંથી 20 વર્ષ સુધી બાંગ્લાદેશનું નેતૃત્વ કર્યું. મુજીબ ઉર રહેમાનની 1975માં બળવામાં તેના પરિવાર સાથે હત્યા કરવામાં આવી હતી.
ભારત આવ્યા પછી હસીનાના પુત્રએ ખુલાસો કર્યો કે તે બાંગ્લાદેશમાં રહેવા માંગતા હતા પરંતુ તેના પરિવારે દબાણ કરતાં સલામતી માટે બાંગ્લાદેશ છોડી દેવાનો આગ્રહ કર્યો. એટલે આવું કર્યું. તે દેશ છોડવા બિલકુલ ઇચ્છતી ન હતી. પરંતુ અમે આગ્રહ કરીને ભારપૂર્વક કહ્યું કે, તેના માટે હાલમાં સલામત નથી. અમે પહેલા તેમની સલામતી વિશે ચિંતિત હતા.
