Video: G20 સમિટ પહેલાં ભારત-અમેરિકા વચ્ચે મોટી ડીલની તૈયારી? યુએસ રાજદૂત સર્જિયો ગોરનો મોટો ધડાકો!
G20 માયામી સમિટ અગાઉ ભારત અને અમેરિકા વચ્ચેના દ્વિપક્ષીય સંબંધોને વધુ મજબૂત કરવાના પ્રયાસો તેજ બની ગયા છે. ભારતમાં અમેરિકાના રાજદૂત સર્જિયો ગોરે એટલાન્ટા ખાતે બંને દેશોના ટોચના નેતૃત્વ વચ્ચે ચાલી રહેલા સંવાદ અને આગામી વ્યૂહાત્મક ભાગીદારી અંગે મહત્વપૂર્ણ વિગતો શેર કરી હતી. તેમણે જણાવ્યું હતું કે બંને દેશો પડદા પાછળ ઝડપથી અને અત્યંત નજીકથી કેટલાક મોટા પરિણામો (Deliverables) હાંસલ કરવા પર કામ કરી રહ્યા છે.
સર્જિયો ગોરે પત્રકારો સાથે વાતચીત કરતાં જણાવ્યું હતું કે, "અમારા માટે એ અત્યંત મહત્ત્વપૂર્ણ છે કે બંને દેશોના નેતાઓ સર્વોચ્ચ સ્તરે સીધા જોડાયેલા રહે. જેમ કે તમે જોયું છે, સેક્રેટરી રૂબિયોએ છેલ્લા છ મહિનામાં બે વાર ભારતની મુલાકાત લીધી છે અને અમને પૂરી આશા છે કે તેઓ આવતા વર્ષે પણ ફરી ભારત પધારશે." તેમણે ઉમેર્યું કે ભારત અને યુએસ વચ્ચે સાથે મળીને કામ કરવા માટે મુદ્દાઓની ક્યારેય કોઈ અછત રહી નથી.
ભારત મુલાકાતના મુખ્ય એજન્ડા અંગે સ્પષ્ટતા કરતાં રાજદૂતે જણાવ્યું કે, તેમની મુલાકાતો મુખ્યત્વે વ્યાપારી મુત્સદ્દીગીરી (Commercial Diplomacy) અને ઊર્જા ક્ષેત્ર પર કેન્દ્રિત હતી. G20 માયામી સમિટ તરફ આગળ વધતાં, બંને દેશો વેપાર અને ઊર્જા જેવા મહત્ત્વના ક્ષેત્રોમાં ઉત્સાહજનક અને મોટા નિર્ણયોની જાહેરાત કરવાની આશા રાખે છે, જેના માટે હાલ પડદા પાછળ તડામાર તૈયારીઓ ચાલી રહી છે.
