Video/ નેતન્યાહૂએ મીડિયા સમક્ષ આવી કહ્યું - હું જીવીત છું, યુધ્ધ બાદ હવે ઈરાન બરબાદીના આરે છે

Netanyahu News : મિડલ ઈસ્ટના યુદ્ધમાં ઇઝરાયલના વડાપ્રધાન બેન્જામિન નેતન્યાહુએ એક અત્યંત મહત્વપૂર્ણ પ્રેસ કોન્ફરન્સ કરીને ઈરાન સામે મોટી જીતનો દાવો કર્યો છે.  ઈઝરાયલના વડાપ્રધાન બેન્જામિન નેતન્યાહુએ વિદેશી મીડિયા સમક્ષ લાઈવ આવીને પોતાની મોતના સમાચાર પર પૂર્ણવિરામ મૂક્યું છે. તેમણે દાવો કર્યો છે કે 20 દિવસના ભીષણ જંગ બાદ ઈરાન હવે બરબાદીના આરે છે અને તેની દુનિયાને બ્લેકમેલ કરવાની શક્તિ છીનવાઈ ગઈ છે.

કહ્યું - હું જીવીત છું 

ઈઝરાયલના વડાપ્રધાન બેન્જામિન નેતન્યાહુએ એકપ્રેસ કોન્ફરન્સ દ્વારા ઈરાન સામેના યુદ્ધમાં ઈઝરાયલની સર્વોપરિતા સાબિત કરી છે. પોતાની તબિયત વિશેની અટકળોને ફગાવતા નેતન્યાહુએ કહ્યું કે, "હું જીવિત છું અને સ્વસ્થ છું." તેમણે મોટો દાવો કર્યો હતો કે 20 દિવસના સતત હુમલા બાદ ઈરાન પાસે હવે યુરેનિયમ સંવર્ધન કે બેલેસ્ટિક મિસાઈલો બનાવવાની કોઈ ક્ષમતા બચી નથી.

ઈરાનની સૈન્ય તાકાત અને નેતૃત્વનો સફાયો

નેતન્યાહુએ જણાવ્યું કે ઈરાનનું નેતૃત્વ હવે ખતમ થઈ ચૂક્યું છે અને તે જે મિસાઈલોની ધમકી આપી રહ્યું છે, તે વાસ્તવમાં તેની પાસે છે જ નહીં. તેમણે ખુલાસો કર્યો કે ઇઝરાયલી સેનાએ કેસ્પિયન સમુદ્રમાં ઈરાનના સમગ્ર નૌકાદળના બેડાને નષ્ટ કરી દીધો છે. ઇઝરાયલ હવે ઈરાનને હવામાં, જમીન પર અને જમીનની અંદર એમ ચોતરફથી નિશાન બનાવી રહ્યું છે. નેતન્યાહુએ સ્પષ્ટ કર્યું કે તેમનો લક્ષ્ય ઈરાની લોકોને આઝાદી અપાવવાનો અને રિવોલ્યુશનરી ગાર્ડ્સ (IRGC) ના પ્રભાવને કાયમ માટે ખતમ કરવાનો છે.

X પર જુઓ

અમેરિકા સાથેનું જોડાણ અને ટ્રમ્પની પ્રશંસા

અમેરિકાને યુદ્ધમાં ધકેલવાના આરોપો પર નેતન્યાહુએ કહ્યું કે ડોનાલ્ડ ટ્રમ્પ સાથે તેમનું તાલમેલ શાનદાર છે. ટ્રમ્પ કોઈના દબાણમાં આવ્યા વગર પોતાના નિર્ણયો જાતે લે છે અને અમેરિકાની મદદથી જ ઇઝરાયલ આ ઐતિહાસિક સિદ્ધિઓ હાંસલ કરી રહ્યું છે. ટ્રમ્પે પણ સંકેત આપ્યા છે કે IRGC પાસે હવે ઘણો ઓછો સમય બચ્યો છે. ઘરેલુ મોરચે પણ નેતન્યાહુએ અર્થતંત્રને વેગ આપવા અને પ્રભાવિતોને યોગ્ય વળતર આપવાની ખાતરી આપી છે.