માર્ક્સવાદી નેતા અનુરા દિસાનાયકે શ્રીલંકાના નવા રાષ્ટ્રપતિ બનશે, આજે શપથ લેશે

માર્ક્સવાદી નેતા અનુરા કુમારા દિસાનાયકે રવિવારે શ્રીલંકાની રાષ્ટ્રપતિની ચૂંટણી જીતી ગયા છે. દેશના ચૂંટણી પંચે બીજા તબક્કાની મત ગણતરી બાદ અનુરા કુમારા દિસનાયકેને વિજેતા જાહેર કર્યા હતા. પ્રાપ્ત માહિતી અનુસાર, અનુરા કુમારા દિસનાયકે આજે રાષ્ટ્રપતિ તરીકે શપથ લેશે. તેઓ શ્રીલંકાના નવમા રાષ્ટ્રપતિ હશે.

માર્ક્સવાદી જનતા વિમુક્તિ પેરામુના પાર્ટીના નેશનલ પીપલ્સ પાવર (NPP)ના નેતા 56 વર્ષીય અનુરા કુમારા દિસાનાયકે, તેમના નજીકના હરીફ સામગી જન બાલાવેગયા (SJB)ના સાજીથ પ્રેમદાસાને હરાવીને આ જીત મેળવી છે.વર્તમાન રાષ્ટ્રપતિ રાનિલ વિક્રમસિંઘે સ્વતંત્ર ઉમેદવાર તરીકે ચૂંટણી લડી રહ્યા છે. મતગણતરીનાં પ્રથમ રાઉન્ડમાં જ તેઓ બહાર થઈ ગયા હતા.

વિક્રમસિંઘે બે વર્ષ પહેલા જાહેર વિદ્રોહ બાદ રાષ્ટ્રપતિ બન્યા 

 લગભગ બે વર્ષ પહેલા શ્રીલંકામાં વિદ્રોહ બાદ સંસદે રાનિલ વિક્રમસિંઘેને રાષ્ટ્રપતિ બનાવ્યા હતા. રાનિલ વિક્રમસિંઘે છેલ્લા બે વર્ષ દરમિયાન આર્થિક સુધારા પર ભાર મૂક્યો હતો અને સ્વતંત્ર ઉમેદવાર તરીકે ચૂંટણી લડી રહ્યા હતા, પરંતુ મત ગણતરીના પ્રથમ રાઉન્ડમાં પણ તેઓ જીતી શક્યા ન હતા. ચૂંટણીના પરિણામો પછી, આઉટગોઇંગ રાષ્ટ્રપતિ રાનિલ વિક્રમસિંઘેએ કહ્યું રાષ્ટ્રપતિ અનુરા દિસાનાયકે, હું શ્રીલંકાના પ્રિય બાળકને તમારી સંભાળમાં સોંપી રહ્યો છું. હું ઈચ્છું છું કે નવા રાષ્ટ્રપતિ તરીકે તમારી દેખરેખ હેઠળ બાળકને સુરક્ષિત રીતે તેના ગંતવ્ય સ્થાને પહોંચાડવામાં આવે.

શનિવારે રાષ્ટ્રપતિની ચૂંટણી માટે મતદાન થયું હતું, પરંતુ મતગણતરીના પ્રથમ તબક્કામાં કોઈ પણ વિજેતાને જરૂરી 50 ટકાથી વધુ મત મળ્યા નથી. આ કારણોસર ચૂંટણી પંચે બીજા તબક્કાની મતગણતરીનો આદેશ આપ્યો હતો. બીજા તબક્કાની મત ગણતરીમાં માર્ક્સવાદી નેતા અનુરા દિસાનાયકે વિજયી બન્યા છે.

દિસાનાયકે  AKD તરીકે ઓળખાય છે

દિસાનાયકે શ્રીલંકામાં AKD તરીકે ઓળખાય છે. રાષ્ટ્રપતિની ચૂંટણી જીતવી તેમની પાર્ટી JVP માટે મોટી ઉપલબ્ધિ માનવામાં આવે છે. આ પક્ષ લાંબા સમયથી હાંસિયામાં ધકેલાઈ ગયો હતો. દિસાનાયકે શ્રીલંકાના પહેલા માર્ક્સવાદી પક્ષના નેતા છે, જે શ્રીલંકાના રાષ્ટ્રપતિ બનવા જઈ રહ્યા છે.

દિસાનાયકેએ ભ્રષ્ટાચાર વિરોધી અને રાજકીય સંસ્કૃતિમાં પરિવર્તનનો દાવો કર્યો હતો. આનાથી યુવા મતદારો ખૂબ પ્રભાવિત થયા. તેઓ આર્થિક કટોકટીથી સિસ્ટમમાં ફેરફારની માંગ કરી રહ્યા છે. યુવાનોએ દિસાનાયકેની તરફેણમાં ભારે મતદાન કર્યું હતું.

દિસાનાયકે , જે ઉત્તર મધ્ય પ્રાંતના ગ્રામીણ થમ્બુટેગામાના વતની છે, તેમણે કોલંબો સબર્બન કેલાનિયા યુનિવર્સિટીમાંથી વિજ્ઞાનની સ્નાતકની ડિગ્રી મેળવી છે. તેઓ 1987માં NPPની મધર પાર્ટી JVPમાં જોડાયા, જ્યારે તેમનો ભારત વિરોધી બળવો ચરમસીમાએ હતો.