બાંગ્લાદેશના સચિવાલયમાં ભીષણ આગ, સરકારી દસ્તાવેજોને નુકસાન

ઢાકા: ઢાકામાં બાંગ્લાદેશ સચિવાલયની એક મોટી ઈમારતમાં ગુરુવારે ભીષણ આગ લાગી હતી, જેમાં સરકારી દસ્તાવેજો નષ્ટ થઈ ગયા હતા. તોડફોડના કૃત્યની આશંકા વચ્ચે સરકારે એક ઉચ્ચ સ્તરીય તપાસ સમિતિની રચના કરી.

બાંગ્લાદેશ સચિવાલયની ઇમારત 7 માં આગ લાગી હતી અને લગભગ છ કલાકની અગ્નિશામક પ્રયત્નો પછી તેને કાબૂમાં લેવામાં આવી હતી.

અધિકારીઓના જણાવ્યા અનુસાર, નવ માળની ઇમારતમાં ગુરુવારે સવારે આગ ફાટી નીકળી હતી, જેમાં ઉચ્ચ સુરક્ષા સંકુલની અંદર સાત મંત્રાલયો આવેલા છે.