આ દેશમાં નવા રાજાને પહેરાવવામાં આવ્યો તાજ, તેમની પાસે છે 300થી વધુ લક્ઝરી કાર અને ખાનગી જેટનો કાફલો

મલેશિયાના નવા અબજોપતિ રાજા, સુલતાન ઈબ્રાહિમ ઈસ્કંદરને શનિવારે પરંપરા મુજબ બંદૂકની સલામી સહિત આપી ધૂમધામથી તાજ પહેરાવવામાં આવ્યો હતો. તેમણે તેમના પાંચ વર્ષના કાર્યકાળ દરમિયાન નિષ્પક્ષ શાસન કરવાનું વચન આપ્યું હતું. સુલતાન ઈબ્રાહિમ (65) એ 31 જાન્યુઆરીએ શપથ લીધા હતા. 

સુલતાન ઈબ્રાહિમ ઈસ્કંદરને 20 જુલાઈના રોજ નેશનલ પેલેસમાં આયોજિત એક ભવ્ય સમારોહમાં મલેશિયાના 17મા રાજા તરીકે ઔપચારિક રીતે તાજ પહેરાવવામાં આવ્યો હતો. રાજાની સત્તા માત્ર પ્રતીકાત્મક છે, ખરી સત્તા વડાપ્રધાન પાસે હોય છે. દર પાંચ વર્ષે રાજા બદલવામાં આવે છે. કાળા અને સોનાના પરંપરાગત ઔપચારિક પોશાક અને હેડગિયરમાં સજ્જ સુલતાન ઈબ્રાહિમ અને રાણી રઝા ઝેરિત સોફિયાને સિંહાસન પર ચડતા પહેલા લશ્કરી સલામી આપવામાં આવી હતી. અન્ય શાહી પરિવારના વડાઓ, બ્રુનેઈના સુલતાન હસનલ બોકિયા અને બહેરીનના સુલતાન હમદ ઈસા અલ ખલીફા સિંહાસનની બાજુમાં એક મંચ  પર બેઠા હતા. રાજ્યાભિષેક સમારોહની શરૂઆતમાં, સુલતાનને કુરાનની એક નકલ આપવામાં આવી જેને તેમણે ચૂંબન કર્યું હતું. 

સુલતાન ઈબ્રાહિમે ઈસ્કંદર એક અનોખી 'ક્રાંતિકારી રાજાશાહી' સિસ્ટમ હેઠળ કામ કરશે. નવ વંશીય મલય રાજ્યોના શાસકો દેશના 'ક્રાંતિકારી રાજાશાહી' હેઠળ પાંચ વર્ષની મુદત માટે મલેશિયાના રાજા બને છે, જે પ્રથા 1957માં મલેશિયાને બ્રિટનથી સ્વતંત્રતા મળ્યા બાદ શરૂ થઈ હતી.

મલેશિયામાં, રાજાની માત્ર ઔપચારિક ભૂમિકા હોય છે, જ્યારે વહીવટી સત્તા વડાપ્રધાન અને સંસદ પાસે હોય છે. રાજા સરકાર અને સશસ્ત્ર દળોના પ્રતીકાત્મક વડા છે અને તેને ઈસ્લામ અને મલય પરંપરાઓના રક્ષક માનવામાં આવે છે. તમામ કાયદાઓ, કેબિનેટની નિમણૂંક અને સામાન્ય ચૂંટણીઓ માટે સંસદ સત્રના વિસર્જન માટે તેમની ઔપચારિક મંજૂરી જરૂરી છે. 

સિંગાપોરની સરહદે આવેલા દક્ષિણ જોહર રાજ્યના સુલતાન ઈબ્રાહિમ દેશના સૌથી ધનિક વ્યક્તિઓમાંના એક છે. બ્લૂમબર્ગ અનુસાર, સુલતાનની અંદાજિત નેટવર્થ 5.7 અબજ ડોલર છે. ભારતીય રૂપિયામાં આ અંદાજે 47 લાખ કરોડ રૂપિયા છે. એવું માનવામાં આવે છે કે સુલતાન ઈબ્રાહિમની સંપત્તિની વાસ્તવિક હદ આના કરતા ઘણી વધારે છે. તેમનો મહેલ પણ અનુપમ છે. તેમની પાસે 300થી વધુ લક્ઝરી કાર છે, જેમાં એડોલ્ફ હિટલરે કથિત રીતે ગિફ્ટ કરેલી કારનો પણ સમાવેશ થાય છે. ગોલ્ડ અને બ્લુ બોઇંગ 737 સહિત ખાનગી જેટના કાફલો પણ છે. તેમના પરિવારની પોતાની એક ખાનગી સેના પણ છે.