Video: દરિયાઈ સુરક્ષાથી લઈને સપ્લાય ચેઈન સુધી, મનિલામાં ટોચના નેતાઓ સામે PM મોદીનો મોટો સંદેશ!

ફિલિપાઇન્સની રાજધાની મનિલા ખાતે આયોજિત ક્વાડ (Quad) દેશોના નેતાઓની મહત્વપૂર્ણ બેઠકમાં વડાપ્રધાન નરેન્દ્ર મોદીએ ભાગ લીધો હતો. આ બેઠકને સંબોધિત કરતા PM મોદીએ મનિલા અને Quad વચ્ચેના ઐતિહાસિક સંબંધોને યાદ કર્યા હતા અને વૈશ્વિક પડકારોનો સામનો કરવા માટે Quad ને એક રચનાત્મક અને વિશ્વસનીય ભાગીદારી ગણાવી હતી.
બેઠકમાં ઉપસ્થિત નેતાઓને સંબોધતા વડાપ્રધાન મોદીએ જણાવ્યું હતું કે, "આપ સૌને મળીને મને અત્યંત આનંદ થઈ રહ્યો છે. મનિલા અને Quad વચ્ચે વર્ષો જૂનો અને ખાસ સંબંધ રહ્યો છે. વર્ષ 2007 માં ચારેય દેશોના અધિકારીઓ સૌપ્રથમ વખત અહીં જ મળ્યા હતા. તેના 10 વર્ષ બાદ વર્ષ 2017 માં, આ જ શહેરમાં આપણે ફરી એકવાર આપણો સંવાદ શરૂ કર્યો હતો. આજે ફરી એકવાર આ ઐતિહાસિક શહેરમાં Quad ની બેઠક યોજવી એ એક મહત્વપૂર્ણ સીમાચિહ્નરૂપ છે."
સભ્ય દેશો વચ્ચે વધતા સહયોગનો ઉલ્લેખ કરતા PM મોદીએ વધુમાં કહ્યું હતું કે, "ગયા વર્ષે જાન્યુઆરીથી લઈને આજ સુધીમાં આપણા વિદેશ મંત્રીઓ 5 વખત મળી ચૂક્યા છે. આ બાબત આપણી રાજકીય ઈચ્છાશક્તિ અને આપણી ભાગીદારી પ્રત્યેની સહિયારી પ્રતિબદ્ધતાનો પુરાવો આપે છે."
Quad પ્રત્યે ભારતના દૃષ્ટિકોણને સ્પષ્ટ કરતા વડાપ્રધાન મોદીએ ઉમેર્યું હતું કે, "ભારત માટે Quad એક રચનાત્મક અને વિશ્વસનીય ભાગીદારી છે. દરિયાઈ સુરક્ષાથી લઈને વિશ્વસનીય સપ્લાય ચેઈન સુધી, અને નવી ટેકનોલોજીથી લઈને આપત્તિ વ્યવસ્થાપન (Disaster Response) સુધી, અમારો હંમેશા એ જ પ્રયાસ રહ્યો છે કે Quad વિશ્વને વિશ્વસનીય ઉકેલો પૂરા પાડે."














