Video: INS ત્રિશૂલે ગ્રીસની સૌદા ખાડી ખાતે ગ્રીક નૌસેનાના યુદ્ધ જહાજ સાથે કર્યો સંયુક્ત દરિયાઈ અભ્યાસ

ભારતીય નૌસેનાના યુદ્ધજહાજ INS ત્રિશૂલે ગ્રીસના ક્રેટ ટાપુ પર આવેલી સૌદા ખાડી ખાતે પોતાનો પોર્ટ કોલ સફળતાપૂર્વક પૂર્ણ કર્યો છે. ગ્રીસથી પ્રસ્થાન દરમિયાન INS ત્રિશૂલે ગ્રીક નૌસેનાના યુદ્ધજહાજ સાથે સંયુક્ત દરિયાઈ અભ્યાસમાં ભાગ લીધો હતો. આ અભ્યાસ દરમિયાન બંને દેશોની નૌસેનાઓ વચ્ચે નેવિગેશન અને યુદ્ધજહાજ સંચાલન સંબંધિત કવાયત યોજાઈ હતી. આ ઉપરાંત ક્રોસ-ડેક લેન્ડિંગ અને સંચાર અભ્યાસ પણ કરવામાં આવ્યા હતા. આ સંયુક્ત અભ્યાસથી ભારત અને ગ્રીસ વચ્ચે દરિયાઈ સહયોગ વધુ મજબૂત બન્યો છે.