પાકિસ્તનના પૂર્વ ISI ચીફ ફૈઝ હમીદની ધરપકડ; સેનામાંથી થશે 'કોર્ટ માર્શલ', જાણો શું છે મામલો

પાકિસ્તાની જાસૂસી સંસ્થા ISIના પૂર્વ ચીફ ફૈઝ હમીદને સોમવારે (12 ઓગસ્ટ) સેના દ્વારા અટકાયતમાં લેવામાં આવ્યો હતો. લેફ્ટનન્ટ જનરલ (નિવૃત્ત) ફૈઝ હમીદ વિરુદ્ધ પાકિસ્તાન આર્મી એક્ટની જોગવાઈઓ હેઠળ કાર્યવાહી શરૂ કરવામાં આવી છે. ISPR દ્વારા આપવામાં આવેલી માહિતી અનુસાર, ફૈઝ હમીદને સેનાની કસ્ટડીમાં લેવામાં આવ્યો છે. જે બાદ ટોપ સિટી હાઉસિંગ સ્કીમ કૌભાંડ મામલે તેમના કોર્ટ માર્શલની પ્રક્રિયા શરૂ કરવામાં આવી છે.

ઇન્ટર સર્વિસીસ પબ્લિક રિલેશન્સ (ISPR) દ્વારા જારી કરવામાં આવેલી પ્રેસ રિલીઝમાં કહેવામાં આવ્યું છે કે પાકિસ્તાનના પૂર્વ ગુપ્તચર વડા ફૈઝ હમીદની સેના દ્વારા ધરપકડ કરવામાં આવી છે.

પાકિસ્તાનની સર્વોચ્ચ અદાલતના આદેશને પગલે ટોપ સિટી કેસમાં ભૂતપૂર્વ લેફ્ટનન્ટ જનરલ ફૈઝ હમીદ વિરુદ્ધ કરવામાં આવેલી ફરિયાદો શોધવા માટે પાકિસ્તાન આર્મીની એક ટીમ દ્વારા તપાસ હાથ ધરવામાં આવી હતી, જેમાં ફૈઝ અહેમદ સામે ઘણા કેસ આવ્યા હતા.

કોર્ટ માર્શલ પ્રક્રિયા શરૂ - ISPR

ISPRએ વધુમાં જણાવ્યું હતું કે, “ફૈઝ અહેમદની નિવૃત્તિ બાદ પાકિસ્તાન આર્મી એક્ટના ઉલ્લંઘનના અનેક મામલા પણ સામે આવ્યા છે. જેને પગલે, નિવૃત્ત લેફ્ટનન્ટ જનરલ ફૈઝ હમીદ સામે શિસ્તભંગની કાર્યવાહી શરૂ કરવામાં આવી છે. હાલમાં ફિલ્ડ જનરલ ફૈઝ હમીદ કોર્ટ માર્શલની પ્રક્રિયા શરૂ કરવામાં આવી છે જ્યારે પાકિસ્તાનના ભૂતપૂર્વ ગુપ્તચર વડા સામે કોર્ટ માર્શલની કાર્યવાહી શરૂ કરવામાં આવી છે.”

પૂર્વ ISI ચીફ પર પદનો દુરુપયોગ કરવાનો આરોપ

પાકિસ્તાની સેનાએ એપ્રિલમાં ભૂતપૂર્વ જાસૂસ વડા અને ઇન્ટર-સર્વિસ ઇન્ટેલિજન્સ (ISI)ના વડા વિરુદ્ધ પદના દુરુપયોગના આરોપોની તપાસ કરવા માટે એક તપાસ સમિતિની રચના કરી હતી.

જાણો શું છે સમગ્ર મામલો?

ગયા વર્ષે 14 નવેમ્બર, 2023 ના રોજ જારી કરવામાં આવેલા તેના લેખિત આદેશમાં, પાકિસ્તાનની સુપ્રીમ કોર્ટે કહ્યું હતું કે ભૂતપૂર્વ જાસૂસ વડા નિવૃત્ત લેફ્ટનન્ટ જનરલ ફૈઝ હમીદ વિરુદ્ધ "અત્યંત ગંભીર” આરોપો છે. કારણ કે જો સાચા સાબિત થશે તો તેઓ દેશની સશસ્ત્ર દળો, ISI અને પાકિસ્તાન રેન્જર્સની પ્રતિષ્ઠાને નુકસાન પહોંચાડશે, તેથી તેમની અવગણના કરી શકાય નહીં.

ખાનગી હાઉસિંગ સ્કીમ ટોપ સિટીના મેનેજમેન્ટે ભૂતપૂર્વ ISI ચીફ સામે ગંભીર આક્ષેપો કર્યા હતા અને દાવો કર્યો હતો કે તેણે તેના માલિક મોઇઝ ખાનની ઓફિસો અને ઘરો પર દરોડા પાડ્યા હતા. જે પછી, નવેમ્બર 2023 માં, સુપ્રીમ કોર્ટે હાઉસિંગ સોસાયટીના માલિકને ભૂતપૂર્વ જાસૂસ વડા અને તેના સહયોગીઓ વિરુદ્ધ તેની ફરિયાદોના સમાધાન માટે સંરક્ષણ મંત્રાલય સહિત સંબંધિત વિભાગોનો સંપર્ક કરવા કહ્યું હતું.