VIDEO / ન્યુયોર્કના વરસાદમાં ફસાયા રોહિત શર્મા અને રાહુલ દ્રવિડ, જુઓ કેવી રીતે દોડીને કાર સુધી પહોંચ્યા
ભારતીય ક્રિકેટ ટીમ આ દિવસોમાં ન્યૂયોર્કમાં છે. ટીમ ઈન્ડિયા T20 વર્લ્ડ કપ 2024ની તૈયારી કરી ર
ભારતીય ક્રિકેટ ટીમ આ દિવસોમાં ન્યૂયોર્કમાં છે. ટીમ ઈન્ડિયા T20 વર્લ્ડ કપ 2024ની તૈયારી કરી રહી છે. ભારતીય ટીમ આ ટૂર્નામેન્ટ પહેલા બાંગ્લાદેશ સામે વોર્મ-અપ મેચ રમશે. આ દરમિયાન સોશિયલ મીડિયા પર એક રસપ્રદ વીડિયો વાયરલ થઈ રહ્યો છે. રાહુલ દ્રવિડ અને રોહિત શર્માનો આ વીડીયો જોઈને તમને પણ હસવું આવી જશે. રોહિત અને દ્રવિડ વરસાદમાં દોડતા જોવા મળે છે.
રોહિત અને રાહુલ એક હોટલમાં હતા. આ દરમિયાન વરસાદ શરૂ થયો હતો. બંનેને ક્યાંક જવાનું હતું. પરંતુ કાર હોટલના દરવાજાથી થોડે દૂર ઉભી હતી. રોહિત અને રાહુલ કાર સુધી પહોંચવા દોડતા જોવા મળ્યા. તેનો વીડિયો સોશિયલ મીડિયા પર વાયરલ થઈ રહ્યો છે. આ વીડિયો X પર ઘણો શેર કરવામાં આવ્યો છે.
T20 વર્લ્ડ કપ માટે ભારતે અનુભવી ખેલાડીઓની સાથે યુવા ખેલાડીઓને પણ તક આપી છે. યશસ્વી જયસ્વાલને રોહિત શર્મા સાથે ઓપનિંગ કરવાની તક મળી શકે છે. પ્લેઈંગ ઈલેવનમાં વિરાટ કોહલી અને સૂર્યકુમાર યાદવનું સ્થાન લગભગ નિશ્ચિત છે. શિવમ દુબે અને રવિન્દ્ર જાડેજા પણ ટીમનો ભાગ છે. BCCIએ રિષભ પંત અને સંજુ સેમસનને પણ ટીમમાં સામેલ કર્યા છે. ફાસ્ટ બોલર જસપ્રિત બુમરાહ, મોહમ્મદ સિરાજ અને અર્શદીપ સિંહ પણ ટીમનો ભાગ છે.
તમને જણાવી દઈએ કે ટીમ ઈન્ડિયાની પ્રથમ મેચ આયર્લેન્ડ સામે છે. આ મેચ 5 જૂને રમાશે. આ પછી ભારત અને પાકિસ્તાન વચ્ચે મેચ રમાશે. આ મેચ 9 જૂને ન્યૂયોર્કમાં રમાશે. ટીમ ઈન્ડિયા અને કેનેડા વચ્ચે 12 જૂને મેચ રમાશે. ભારતની છેલ્લી ગ્રુપ મેચ કેનેડા સામે છે. આ મેચ 15 જૂને ફ્લોરિડામાં રમાશે.
