ટી-20 ક્રિકેટમાં બન્યો વર્લ્ડરેકોર્ડ : ઈન્ડોનેશિયાની બોલરે એક પણ રન આપ્યા વગર 7 વિકેટ ઝડપી
ક્રિકેટમાં રોજ એક રેકોર્ડ તુટે છે અને નવો રેકોર્ડ બને છે. આમાંથી કેટલાક રેકોર્ડ એવા બને છે કે તેની ભવિષ્યમાં તુ
ક્રિકેટમાં રોજ એક રેકોર્ડ તુટે છે અને નવો રેકોર્ડ બને છે. આમાંથી કેટલાક રેકોર્ડ એવા બને છે કે તેની ભવિષ્યમાં તુટવાની સંભાવના ઓછી હોય છે. ત્યારે આવો જ એક રેકોર્ડ ક્રિકેટમાં બન્યો છે અને એ પણ મહિલા ક્રિકેટર દ્વારા બનાવવામાં આવ્યો છે. ઈન્ડોનેશિયા અને મંગોલિયાની મહિલા ક્રિકેટ ટીમ વચ્ચે રમાઈ રહેલી 6 મેચોની T20 સીરિઝની પાંચમી મેચમાં ઈન્ડોનેશિયાની ખેલાડીએ એક પણ રન આપ્યા વગર જ 7 વિકેટ ઝડપી હતી.
રોહમાલિયાએ મંગોલિયા સામે રચ્યો ઈતિહાસ
મંગોલિયા મહિલા ક્રિકેટ ટીમ હાલમાં ઈન્ડોનેશિયાના પ્રવાસ પર છે, જ્યાં બંને ટીમો વચ્ચે 6 મેચની T20 આંતરરાષ્ટ્રીય સીરિઝ રમાઈ હતી. આ સિરીઝની પાંચમી મેચમાં ઈન્ડોનેશિયાની ટીમ તરફથી રમતા ઓફ સ્પિનર રોહમાલિયાએ 3.2 ઓવર નાખીને એક પણ રન આપ્યા વગર જ 7 વિકેટ ઝડપી હતી. આ મેચમાં ઇન્ડોનેશિયાની ટીમે પ્રથમ બેટિંગ કરતા 5 વિકેટ ગુમાવીને 151 રન બનાવ્યા હતા જ્યારે મંગોલિયન ટીમ 16.2 ઓવરમાં માત્ર 24 રન પર જ સિમિત રહી હતી.
ફ્રેડરિક ઓવરડિજકનો રેકોર્ડ તોડ્યો
આ સાથે જ રોહમાલિયાએ નેધરલેન્ડની ખેલાડી ફ્રેડરિક ઓવરડિજકનો રેકોર્ડ તોડ્યો છે, જેણે 2021ના ICC T-20 વર્લ્ડ કપ યુરોપ ક્વોલિફાયરમાં ફ્રાન્સ ટીમ સામેની મેચમાં 4 ઓવરમાં ફક્ત ત્રણ રન આપીને 7 વિકેટ ઝડપી હતી. નોંધનીય છે કે રોહમાલિયા મહિલા T20 ઇન્ટરનેશનલમાં 7 વિકેટ ઝડપનાર ત્રીજી ખેલાડી બની છે. અગાઉ નેધરલેન્ડની ફ્રેડરિક ઓવરડિજક અને અર્જેન્ટિનાની ખેલાડી એલિસન સ્ટોક્સે આ સિદ્ધિ મેળવી હતી.
