18 મહિનાથી એક છત નીચે નહોતા રહેતા ચહલ-ધનશ્રી, સામે આવી રહ્યા છે ડિવોર્સના કારણો

ભારતીય ક્રિકેટર યુઝવેન્દ્ર ચહલ અને તેની પત્ની ધનશ્રી વર્માએ ડિવોર્સ લીધા હોવાના અહેવાલ છે. ગુરુવારે સાંજે 4 વાગ્યે તેમને કોર્ટમાં હાજર થવાનું હતું. રિપોર્ટ અનુસાર, બંને ત્યાં હાજર થયા અને ડિવોર્સ માટે સંમત થયા. લોકોના મનમાં હજુ પણ એ સવાલ છે કે ધનશ્રી અને ચહલ વચ્ચે ડિવોર્સનું કારણ શું હતું? 

છેલ્લા કેટલાક મહિનાઓથી તેમના લગ્નજીવનમાં તિરાડ પડવાની અફવાઓ ફેલાઈ રહી છે. જ્યારથી બંનેએ ઇન્સ્ટાગ્રામ પર એકબીજાને અનફોલો કર્યા હતા, ત્યારથી ફેન્સને ખબર પડી ગઈ કે તેમની વચ્ચે બધુ બરાબર નથી. મીડિયા રિપોર્ટ્સ અનુસાર, લગ્નના થોડા મહિના પછી, બંને નાની નાની બાબતો પર ઝઘડવા લાગ્યા અને એકબીજાને સમજી ન શક્યા. 

આ કારણે બંનેએ અલગ રહેવાનો નિર્ણય લીધો હતો. એવું પણ કહેવામાં આવ્યું હતું કે બંને 18 મહિનાથી એકબીજાથી અલગ રહેતા હતા. બંનેએ પોતાની ઇન્સ્ટા સ્ટોરી પર ઘણી વખત અલગ અલગ પ્રકારની પોસ્ટ્સ મૂકી હતી. ચહલે લખ્યું તેમ, "ભગવાન મને કેટલી વાર બચાવ્યો છે તેની હું ગણતરી કરી નથી શકતો. હું ફક્ત કલ્પના કરી શકું છું કે મને કેટલી વાર બચાવ્યો જેના વિશે મને ખબર પણ નહોતી."

કેવી રીતે શરૂ થઈ હતી બંનેની લવ સ્ટોરી?

પોતાની લવ સ્ટોરી વિશે વાત કરતા ચહલે કહ્યું હતું કે, "લોકડાઉન દરમિયાન મારે કંઈ કરવાનું નહોતું. હું 4-5 ડાન્સ સ્ટેપ્સ શીખવા માંગતો હતો. મેં ધનશ્રીને રીલ પર ડાન્સ કરતી જોઈ હોવાથી તેને DM મોકલ્યો. મેં તેને ડાન્સ શીખવવા માટે મેસેજ કરીને સંપર્ક કર્યો. શરૂઆતના થોડા મહિના અમે ફક્ત ડાન્સ વિશે જ વાત કરતા. પણ પછીથી પ્રેમ શરૂ થયો."