VIDEO: ધોનીના નારાથી ગૂંજી ઊઠ્યું સ્ટેડિયમ, થયો એટલો અવાજ કે રસેલને કાને મુકવો પડ્યો હાથ
IPL 2024ની 22મી મેચમાં ગઈકાલે ચેન્નાઈ સુપર કિંગ્સ અને કોલકાતા નાઈટ રાઈડર્સ વચ્ચે
IPL 2024ની 22મી મેચમાં ગઈકાલે ચેન્નાઈ સુપર કિંગ્સ અને કોલકાતા નાઈટ રાઈડર્સ વચ્ચે ટક્કર જોવા મળી હતી. આ મેચ ચેન્નાઈના ચેપોક સ્ટેડિયમમાં રમાઈ હતી. CSKને તેના હોમ ગ્રાઉન્ડ પર દર્શકો દ્વારા મળેલા સપોર્ટને જોઇને KKRના ખેલાડીઓ ચોંકી ગયા હતા. ખાસ કરીને જયારે ચેન્નાઈ સુપર કિંગ્સનો પૂર્વ કેપ્ટન એમ. એસ. ધોની બેટિંગ કરવા આવ્યો ત્યારે ધોની…ધોનીના નારાથી સમગ્ર સ્ટેડિયમ ગૂંજી ઉઠ્યું હતું.
ધોનીના નામથી સમગ્ર સ્ટેડિયમ ગૂંજી ઉઠ્યું
KKR સામે મેચ જીતવા ચેન્નાઈને ત્રણ રનની જરૂર હતી, ત્યારે વૈભવ અરોડાએ શિવમ દુબેને બોલ્ડ કરી દીધો હતો. આ પછી ધોની બેટિંગ કરવા આવ્યો હતો. ધોનીની બેટિંગ જોવાની આશા સાથે મેદાનમાં આવેલા દર્શકોનું સપનું પૂરું થયું. જોકે, ધોનીએ 3 બોલનો સામનો કરી એક રન બનાવ્યો હતો, પરંતુ ધોનીને બેટિંગ કરતા જોઈ દર્શકોનો ઉત્સાહ એટલો વધી ગયો કે તેઓ સતત શોર મચાવી રહ્યા હતા. ઘોંઘાટ એટલો હતો કે KKRના ઓલરાઉન્ડર આન્દ્રે રસેલને કાન પર હાથ મૂકવો પડ્યો હતો. તે બાઉન્ડ્રી લાઇન પાસે ફીલ્ડિંગ કરી રહ્યો હતો. રસેલનો કાન પર હાથ મૂકવાનો વીડિયો સોશિયલ મીડિયા પર ખૂબ ઝડપથી વાયરલ થઈ રહ્યો છે.
નોઈસ મીટર પર 125dbનો અવાજ રેકોર્ડ કરવામાં આવ્યો
ધોની હેલ્મેટ પહેરીને અને હાથમાં બેટ લઈને મેદાનમાં આવ્યો અને પછી સ્ટેડિયમમાં જે અવાજ સંભળાયો તે સુનામીથી ઓછો ન હતો, કારણ કે જે સમયે ધોની બેટિંગ કરવા માટે ક્રીઝ પર પહોંચ્યો ત્યારે નોઈસ મીટર પર 125dbનો અવાજ રેકોર્ડ કરવામાં આવ્યો હતો, જે માનવ કાન માટે ઘાતક સાબિત થઈ શકે છે.
