ભારત સહિત આ 7 ટીમો પહોંચી સુપર 8માં, હવે એક જગ્યા માટે નેધરલેન્ડ-બાંગ્લાદેશ વચ્ચે થશે મુકાબલો

ICC મેન્સ T20 વર્લ્ડ કપ 2024માં રોમાંચક મેચોનો તબક્કો ચાલુ છે. 16 જૂન (રવિવારે), સેન્ટ લુસિયાના ડેરેન સેમી નેશનલ ક્રિકેટ સ્ટેડિયમમાં રમાયેલી મેચમાં ઓસ્ટ્રેલિયાએ સ્કોટલેન્ડને પાંચ વિકેટથી હરાવ્યું હતું. આ હારને કારણે સ્કોટલેન્ડની ટીમ સુપર 8ની રેસમાંથી બહાર થઈ ગઈ હતી. ઇંગ્લેન્ડનું નસીબ ચમક્યું અને તેણે સુપર 8માં એન્ટ્રી લીધી.

ભારત સહિત આ 7 ટીમ સુપર 8માં પહોંચી

અત્યાર સુધીમાં 7 ટીમો સુપર 8માં જગ્યા બનાવી ચૂકી છે. એક જગ્યા માટે બે ટીમો વચ્ચે મુકાબલો છે. ભારત અને યુએસએ ગ્રૂપ-એમાંથી ક્વોલિફાય થયા છે. ગ્રૂપ-બીમાંથી ઓસ્ટ્રેલિયા અને ઈંગ્લેન્ડે પ્લેઓફમાં પોતાનું સ્થાન નિશ્ચિત કરી લીધું હતું. અફઘાનિસ્તાન અને વેસ્ટ ઈન્ડિઝે ગ્રૂપ સીમાંથી જગ્યા બનાવી છે. જ્યારે ગ્રૂપ-ડીમાંથી દક્ષિણ આફ્રિકાએ સુપર 8માં જગ્યા મેળવી છે અને એક જગ્યા નક્કી કરવાની બાકી છે.

https://twitter.com/ICC/status/1802196719368876482

બાંગ્લાદેશ અને નેધરલેન્ડની ટીમો ગ્રૂપ ડીમાંથી સ્થાન મેળવવા માટે લડી રહી છે. જો બાંગ્લાદેશની ટીમ નેપાળને હરાવશે તો તે સુપર 8માં પહોંચી જશે. પરંતુ જો નેપાળે બાંગ્લાદેશને હરાવ્યું જ્યારે નેધરલેન્ડે શ્રીલંકાને હરાવ્યું, તો આવી સ્થિતિમાં નેધરલેન્ડ અને બાંગ્લાદેશ બંનેના ચાર-ચાર પોઈન્ટ હશે. ત્યારબાદ નેટ રન રેટના આધારે નિર્ણય લેવામાં આવશે. હાલમાં નેટ રન રેટના મામલે બાંગ્લાદેશની ટીમ નેધરલેન્ડ કરતા આગળ છે. બાંગ્લાદેશનો નેટ રન રેટ +0.478 છે, જ્યારે નેધરલેન્ડની ટીમનો નેટ રન રેટ -0.408 છે. બાંગ્લાદેશ-નેપાળ અને નેધરલેન્ડ-શ્રીલંકા વચ્ચે 17 જૂને મેચ રમાવાની છે. બાંગ્લાદેશ અને નેધરલેન્ડ વચ્ચે જે પણ ટીમ ક્વોલિફાય થશે તેણે સુપર 8 સ્ટેજમાં ભારતનો સામનો કરવો પડશે.

ભારતની પહેલી મેચ 20મી જૂને

ઉલ્લેખનીય છે કે, સુપર-8 સ્ટેજમાં ભારતીય ટીમ 20 જૂને બાર્બાડોસમાં અફઘાનિસ્તાન સામે ટકરાશે. 22 જૂને, એન્ટિગુઆમાં, તેનો સામનો બાંગ્લાદેશ/નેધરલેન્ડની ટીમોમાંથી એક સાથે થશે. ત્યારબાદ ભારતીય ટીમ 24મી જૂને સેન્ટ લુસિયામાં ઓસ્ટ્રેલિયા સામે ટકરાશે. સુપર 8માં ભારતની તમામ મેચો ભારતીય સમયાનુસાર રાત્રે 8 વાગ્યાથી શરૂ થશે. સુપર 8માં ચાર ટીમોના બે ગ્રૂપ હશે. જો બે ટીમો બંને ગ્રૂપમાંથી ટોચ પર રહેશે તો તેઓ સેમિફાઈનલમાં સ્થાન મેળવી શકશે.

સુપર 8નું ગ્રૂપ

ગ્રૂપ-1: ભારત, ઓસ્ટ્રેલિયા, નેધરલેન્ડ/બાંગ્લાદેશ, અફઘાનિસ્તાન
ગ્રૂપ-2: યુએસએ, ઈંગ્લેન્ડ, વેસ્ટ ઈન્ડિઝ, દક્ષિણ આફ્રિકા

T20 વર્લ્ડ કપ 2024માં સુપર 8 મેચોનું શેડ્યૂલ

19 જૂન - યુએસએ વિ દક્ષિણ આફ્રિકા, એન્ટિગુઆ, રાત્રે 8 વાગ્યે
20 જૂન - ઈંગ્લેન્ડ વિ વેસ્ટ ઈન્ડિઝ, સેન્ટ લુસિયા, સવારે 6 વાગ્યે
20 જૂન - અફઘાનિસ્તાન વિરુદ્ધ ભારત, બાર્બાડોસ, રાત્રે 8 વાગ્યે
21 જૂન - ઑસ્ટ્રેલિયા vs D2, એન્ટિગુઆ, સવારે 6 વાગ્યે
21 જૂન - ઇંગ્લેન્ડ વિ દક્ષિણ આફ્રિકા, સેન્ટ લુસિયા, રાત્રે 8 વાગ્યે
22 જૂન - યુએસએ વિ વેસ્ટ ઈન્ડિઝ, બાર્બાડોસ, સવારે 6 વાગ્યે
22 જૂન - ભારત vs D2, એન્ટિગુઆ, રાત્રે 8 વાગ્યે
23 જૂન - અફઘાનિસ્તાન વિ ઓસ્ટ્રેલિયા, સેન્ટ વિન્સેન્ટ, સવારે 6 વાગ્યે
23 જૂન - યુએસએ વિ ઈંગ્લેન્ડ, બાર્બાડોસ, રાત્રે 8 વાગ્યે
24 જૂન - વેસ્ટ ઈન્ડિઝ વિરુદ્ધ દક્ષિણ આફ્રિકા, એન્ટિગુઆ, સવારે 6 વાગ્યે
24 જૂન - ઓસ્ટ્રેલિયા વિરુદ્ધ ભારત, સેન્ટ લુસિયા, રાત્રે 8 વાગ્યે
25 જૂન - અફઘાનિસ્તાન વિ D2, સેન્ટ વિન્સેન્ટ, સવારે 6 વાગ્યે