નવું ઘર કે જમીન ખરીદતા પહેલા આ વાસ્તુ સંકેતો ચોક્કસ તપાસો, નહીં તો વેઠવું પડી શકે છે મોટું નુકસાન
ઘર કે જમીન ખરીદવી એ દરેક વ્યક્તિના જીવનનો સૌથી મહત્વપૂર્ણ નિર્ણય હોય છે. લોકો પોતાની આખ
ઘર કે જમીન ખરીદવી એ દરેક વ્યક્તિના જીવનનો સૌથી મહત્વપૂર્ણ નિર્ણય હોય છે. લોકો પોતાની આખી જિંદગીની મહેનતની કમાણી તેમાં રોકે છે, ત્યારે મનમાં અનેક પ્રશ્નો થવા સ્વાભાવિક છે. જેમ કે, શું આ સ્થાન ભાગ્યશાળી નીવડશે? શું અહીં સુખ-શાંતિ જળવાઈ રહેશે?
આજના સમયમાં જમીનના ભાવ આસમાને છે, ત્યારે જો ખરીદ્યા પછી કોઈ વાસ્તુ દોષ માલૂમ પડે તો વ્યક્તિની ચિંતા વધી જાય છે. આથી જ, બાંધકામ કે ખરીદી પહેલા વાસ્તુના આ મૂળભૂત નિયમો સમજવા જરૂરી છે.
વાસ્તુશાસ્ત્ર મુજબ ઘરના મુખ્ય દરવાજાની દિશા સૌથી મહત્વની ભૂમિકા ભજવે છે. ઉત્તર દિશાને દેવી લક્ષ્મી અને ભગવાન કુબેરનું સ્થાન માનવામાં આવે છે. ઉત્તરમુખી દ્વાર ઘરમાં સુખ, સમૃદ્ધિ અને સકારાત્મક ઉર્જા લાવે છે.
પૂર્વ દિશા: સૂર્યોદયની આ દિશા પણ ઘર માટે અત્યંત શુભ માનવામાં આવે છે.
પશ્ચિમ દિશા: આ દિશાના દ્વાર મધ્યમ ફળદાયી ગણાય છે.
જમીન ખરીદતી વખતે આ બાબતોનું રાખો ખાસ ધ્યાન
માત્ર લોકેશન જ નહીં, પણ જમીનનો આકાર અને પ્રકૃતિ પણ તપાસવી જોઈએ:
આકાર: પ્લોટ હંમેશા ચોરસ કે લંબચોરસ હોવો જોઈએ. વાંકાચૂકા, ત્રિકોણાકાર કે કપાયેલા ખૂણાવાળા પ્લોટ વાસ્તુ દોષ પેદા કરે છે.
ખૂણાનો પ્લોટ: શક્ય હોય ત્યાં સુધી બે રસ્તાઓ વચ્ચે આવતા ખૂણાના પ્લોટ લેવાનું ટાળવું જોઈએ.
માનસિક સ્પંદનો: જો જમીન જોતા જ મન પ્રસન્ન થાય, તો તે શુભ સંકેત છે. પરંતુ જો જમીન જોયા બાદ અસ્વસ્થતા કે નકારાત્મકતા અનુભવાય, તો ત્યાં રોકાણ ન કરવું હિતાવહ છે.
ખોદકામ દરમિયાન મળતા સંકેતો
બાંધકામ માટે ખોદકામ કરતી વખતે જો જમીનમાંથી કાંકરા, હાડકાં કે વાળ જેવી વસ્તુઓ નીકળે, તો તેને અશુભ માનવામાં આવે છે. આવા કિસ્સામાં જમીનની શુદ્ધિ કરવી અનિવાર્ય બને છે.
વાસ્તુ દોષ નિવારણના ઉપાયો
જો કોઈ જમીન પર બાંધકામ કરવું જરૂરી હોય અને ત્યાં દોષની શક્યતા હોય, તો શાસ્ત્રોમાં તેનો સચોટ ઉકેલ આપ્યો છે:
વિધિવત પૂજન: સૌથી પહેલા લાયક બ્રાહ્મણ પાસે શાસ્ત્રોક્ત વિધિથી ભૂમિ પૂજન અને વાસ્તુ પૂજન કરાવવું જોઈએ.
ગૌસેવા અને જવનો પ્રયોગ: એક ઉત્તમ ઉપાય એ છે કે તે જમીન પર જવ વાવવા. જ્યારે જવ આશરે એક ફૂટ જેટલા ઊંચા થાય, ત્યારે ત્યાં ગાયોને ચરવા માટે છોડવી જોઈએ. એક-બે દિવસ ગાયોનો ત્યાં વસવાટ થવાથી જમીનના તમામ નકારાત્મક દોષો દૂર થાય છે અને ત્યારબાદ જ બાંધકામ શરૂ કરવું શુભ ગણાય છે.
